Так, Вольгу Бондараву ніхто не эвакуяваў. Яна працягвае адбываць на Акрэсціна свае прызначаныя 13 сутак.
Навіна пра эміграцыю даносчыцы Вольгі Бондаравай на Захад — жарт, у стварэнні якога «Нашай Ніве» пагадзіўся падыграць кіраўнік фонда «Байсол» Андрэй Стрыжак.
Хоць ніякай эвакуацыі і не адбылося, Стрыжак паразважаў наконт таго, што рабіў бы, калі б атрымаў запыт ад Бондаравай.
«На першым этапе мы б упэўніліся што гэта насамрэч яна (маем сродкі верыфікацыі) і потым бы запусцілі працэдуру. У межах працэдуры вызначаюцца суадносіны пакарання, што пагражае чалавеку, і патэнцыйная шкода/карысць для грамадства і краіны прымання, што можа прынесці былы прапагандыст/сілавік. Гэты аналіз адбываецца ў шчыльнай супрацы з краінамі, куды чалавек можа трапіць дзякуючы нашаму ўмяшанню», — патлумачыў Стрыжак.
Адзначым, што інфармацыя выклікала велізарны інтарэс у чытачоў — па стане на вечар 1 красавіка гэту навіну прачыталі дзясяткі тысяч чалавек. Як вынікае з каментароў, большасць адразу зразумелі, што гэта непраўдзівая інфармацыя. Аднак шмат хто паверыў, што магчыма і такое. Што ж, з 1 красавіка!
Каментары