У Пружанскім ДК анансаваная дыскатэка пад расійскім сцягам. Дырэктарка пасля званка журналістаў: «Прыбярэм»
Чытачы «Нашай Нівы» звярнулі ўвагу на запланаваную на 5 жніўня дыскатэку ў Пружанах. Афіша «Русской вечерінкі» аздоблена расійскім трыкалорам і матрошкамі.
Дарэчы, раней у тым палацы была дыскатэка, на якую заклікала афіша з камуністычнай сімволікай — серпам і молатам — а таксама выявамі тыранаў XX стагоддзя: Сталіным, Мао Дзэдунам ды іншымі. Тады, пасля скаргаў грамадскасці, яе знялі.
«Што гэта за навязванне расейшчыны ў рэгіёнах, чаму нашых дыскатэк не робяць? Гэта ж дзяржаўны Палац культуры!», — напісалі нам чытачы.
Журналіст «Нашай Нівы» адрасаваў гэтае пытанне выканаўцы абавязкаў дырэктара Алёне Лосевай.
«Шчыра кажучы, не бачыла пакуль. — адказала Лосева. — Без майго дазволу паставілі. Што вы кажаце? Сцяг расійскі? Ззразумела, зараз прыму захады. Я ж папярэджвала пасля таго выпадку з сярпом і молатам, што толькі пасля маёй згоды… А яны зноў… Дзякуй, будзем разбірацца».
Памёр палітвязень Валянцін Штэрмер. «Ледзь хадзіў пасля інсульту — а яго кінулі ў ШІЗА»7
Каментары