Сёння прыхільнікі відэаблогера Сяргея Ціханоўскага ладзяць пікеты па зборы подпісаў у 30 гарадах. Збіраюць подпісы і іншыя альтэрнатыўныя кандыдаты — Віктар Бабарыка, Валерый Цапкала.
У Мінску подпісы за Святлану Ціханоўскую збіраюць у традыцыйным месцы, каля ўвахода ў Камароўскі рынак, на вуліцы Веры Харужай. У Брэсце — каля кінатэатра «Беларусь». У Гомелі — каля ўнівермага «Гомель».
Па стане на 13.10, паводле падлікаў праваабаронцаў, у пікеце на Камароўцы бралі ўдзел 1350 чалавек.
У той жа час у рэгіёнах чэргі, каб падпісацца за альтэрнатыўных кандыдытаў, па-ранейшаму беспрэцэдэнтныя.
Пікеты адбываюцца таксама ў шматлікіх малых гарадах — ад Лунінца (каля «Еўраопта» на Блока, 2) і Нароўлі (ля парка, каля «Беларусбанка») на поўдні да Гарадка (каля ўніверсама) на поўначы і Добруша (на набярэжнай) на ўсходзе.
Карта анансаваных пікетаў па гарадах ёсць у інтэрнэце тут.
15:54
На пікеце каля Камароўкі людзей стала менш, аднак у чэргах па ранейшаму стаяць сотні людзей.
14:20
14:00
Адзін з удзельнікаў пікета зрабіў прапанову рукі і сэрца сваёй сяброўцы.
13:35
Невядомыя чамусьці акуратна склалі брук каля месца правядзення пікетаў на Камароўцы. Побач стаялi людзі ў цывільным. Як толькі да іх падышлі журналісты, людзі ў цывільным сышлі, а каменне вынеслі.
13:24
Праваабаронцы налічылі на Камароўцы ўжо каля 1350 удзельнікаў.
У чарзе на пікет Ціханоўскай каля 200 чалавек, каля пікета Казлова — 80, Бабарыкі — 40, Цапкалы — 25, Дзмітрыева — 5, Чэрачаня — 5.
13:20
Пікеты сёння праходзяць не толькі ў Мінску, але і ў іншых гарадах краіны. Вось такія пікеты, напрыклад, праходзяць у Полацку і Брэсце.
13:11
За апошнія хвіліны даўжыня чэргаў з ахвотных падпісацца вырасла. У прыватнасці, у чарзе на пікет Ціханоўскай стаяць каля 90 чалавек.
13:02
На Камароўцы да сталоў Віктара Бабарыкі стаяць у чарзе прыкладна 40 чалавек, да Цапкалы — 15. Да Казлова з Аб'яднанай грамадзянскай партыі — 70. Да Ціханоўскай вялікіх чэргаў няма, бо подпісы збіраюць адначасова за 10 сталамі, але людзі ўвесь час падыходзяць да іх.
12:38
12:25
Так пікет праходзіць у Баранавічах.
12:20
12:15
Людзей на сённяшнім пікеце каля Камароўкі пакуль што значна менш, чым было на папярэдніх акцыях у выхадныя дні.
На плошчы перад рынкам знаходзяцца людзі ў цывільным, вакол месца пікету стаіць спецтэхніка з сілавікамі.
12:07
Мітынг каля Камароўкі праходзіць у фармаце «адкрытага мікрафона».
12:00
На пікеце каля Камароўскага рынку ў Мінску з'явіўся палітык і пісьменнік Павел Севярынец. Ён пачаў прамаўляць з мегафонам.
11:56
Пікеты Ціханоўскай праходзяць сёння ў многіх гарадах краіны: Брэст, Гродна, Мінск, Баранавічы, Шчучын, Ліда, Пінск, Лунінец, Стоўбцы, Маладзечна, Слуцк, Салігорск, Мар'іна Горка, Варапаева, Докшыцы, Барысаў, Крупкі, Бабруйск, Полацк, Наваполацк, Светлагорск, Мазыр, Нароўля, Жлобін. Гомель, Добруш, Магілёў, Орша, Віцебск, Гарадок.
11:48
11:44
Стала вядома аб затрыманні непасрэдна перад пікетам аднаго з сябраў ініцыятыўнай групы Святланы Ціханоўскай. Яго імя Алег Баброўскі.
На пад'ездзе да рынку супрацоўнікі ДАІ спынілі члена ініцыятыўнай групы, які ехаў на пікет. Мужчыну забралі ў мясцовае РУУС.
