МУС публікуе ВІДЭАпрабачэнні — адзін хлопец фоткаў аўтазак, другі намаляваў графіці 3%
Практычна штодня фіксуюцца факты размяшчэння ў грамадскіх месцах розных надпісаў, МУС нагадала пра адказнасць за падобныя дзеянні, а таксама апублікавала відэа з прабачэннямі людзей, якіх злавілі і пакаралі за гэта.
«Міжволі задаешся пытаннем: чаму, калі пашкодзяць асабістую маёмасць, няхай гэта будзе падрапаная машына або паламаны плот, пацярпелы з заявай спяшаецца ў міліцыю, а калі наносіцца шкода, па сутнасці, нашай агульнай маёмасці, усе ці амаль усе праходзяць міма?» — здзіўляецца міністэрства.
Так, на днях у Чэрвеньскі РАУС звярнуліся прадстаўнікі Лядзенскага сельскага выканкама. Яны паведамілі, што на дарожным знаку і прыпынку грамадскага транспарту фарбай нанесеныя розныя надпісы, а на вуліцах аграгарадка раскіданыя ўлёткі.
Неўзабаве супрацоўнікі міліцыі выйшлі на след меркаванага парушальніка — 18-гадовага мясцовага жыхара. Малады чалавек цалкам прызнаўся ў зробленым і раскаяўся. У распаўсюдзе ўлётак яму дапамагаў 56-гадовы бацька.
Сына і бацьку аштрафавалі на 675 і 540 рублёў. Акрамя таго, за наўмыснае пашкоджанне дарожнага знака і аўтобуснага прыпынку мужчына аштрафаваны на 1080 рублёў. У выніку агульная сума штрафаў для сям'і склала 2295 рублёў..
А ў Маладзечне 3 ліпеня супрацоўнікі міліцыі падышлі да 32-гадовага мясцовага жыхара, які падазраваўся ў здзяйсненні адміністрацыйнага правапарушэння, і зрабілі заўвагу. Мужчына здымаў тое, што адбываецца, на тэлефон і «аказаў непадпарадкаванне законным патрабаванням супрацоўнікаў міліцыі». Жыхар Маладзечна таксама прызнаў віну і папрасіў прабачэння за свае дзеянні. Яго аштрафавалі на 270 рублёў.
У Маладзечне хлопца аштрафавалі за тое, што сфоткаў аўтазак
Мужчыну на відэа завуць Аляксандр Новік.
«РГ» звязалася з Аляксандрам, каб той пракаментаваў відэазапіс.
— Не бачыў гэта відэа. Мяне не прымушалі, але памятаю, як здымалі. Здымаў чалавек, які быў у цывільным. Ён сказаў, што запісвае відэа на ўсялякі выпадак, калі я яшчэ раз што-небудзь такое зраблю. Не казалі, што гэта відэа будзе ў інтэрнэце.
Каментары