Грамадства1010

«Бастовать — хлопотное дельце». Што вядома пра хлопца, які затроліў міліцыю ў культавым відэа і атрымаў 15 сутак

Беларускія сацсеткі разарваў відэаролік з «раскаяннем» чарговага затрыманага.

Мінская міліцыя ўзяла за правіла выкладаць відэазапіс, на якім затрыманыя за палітыку «прызнаюцца» ў правапарушэннях. Адзін з іх, юнак у кепцы, расказаў, што баставаў бы з радасцю, але «Інтэграл», дзе ён працуе, на забастоўкі пакуль не выходзіць.

«Бастовать — хлопотное дельце», — кажа хлопец. А пасля заяўляе, што раіць кінуць курыць, чым ён сам і будзе займацца ў найбліжэйшыя 15 сутак, а таксама раіць бегаць раніцамі, «не трушком, а сур’ёзна ганяць, ва ўсю сілу».

Карацей, калі вы яшчэ не бачылі, то паглядзіце:

«Наша Ніва» высветліла асобу хлопца. Яго завуць Сяргей Міронаў, яму 23 гады. Жыве ў Малінаўцы.

«Ён заўсёды быў такім прыкольным чуваком, — згадвае былая аднакласніца хлопца. — Вучыўся нармальна, не выдатнік, але стараўся. Што тычыцца яго маналогу — у Сяргея проста такая манера выказвацца заўсёды была. Нават такі лад мыслення, я б сказала. Ён, можа, і не думаў кагосьці адмыслова троліць, проста шчыра выказаўся ў сваім стылі».

Згадвае Сяргея і ўдзельнік дваровых сустрэч з Малінаўкі:

«Ён захапляецца канспіралогіяй. Хлопец дзіўны, але ў добрым сэнсе гэтага слова. Ён нікому з нас не распавядаў, чым займаецца і дзе працуе, максімальна ціхарыўся і прыдумляў сабе імёны розныя, — кажа суразмоўца. — Цяпер мы хочам усім дваром скінуцца яму на новыя красоўкі: каб бегаў раніцай па паўгадзіны, але не трушком, а ва ўсю сілу».

Знайшоўся і мужчына, які сустрэў Сяргея ў Цэнтральным РУУСе.

«Яго затрымалі ўвечары 26 кастрычніка недзе ў раёне цырка. Прывялі ў пастарунак каля 22-й гадзіны, — расказвае мужчына.

— Там сістэма такая: спачатку пісьмовы допыт, пасля па адным водзяць зняць відэа. Штосьці казаць не прымушаюць, хочаш прызнавайся, хочаш кажы, што ішоў міма.

Сяргей быў на пазітыве, не скіс, як некаторыя. Прыемны хлопец. Каменты, што ён наркаман, — 100 працэнтаў міма. Проста ў яго такая міміка.

Пасля нас адвезлі на Акрэсціна. Мяне вярнулі ў РУУС, бо я паскардзіўся, што магу мець карону, а Сяргея пакінулі».

Сёння Міронава судзілі. У судзе Цэнтральнага раёна Аляксандр Петраш пакараў хлопца 15 суткамі арышту.

24-годдзе дасціпны хлопец сустрэне за кратамі.

Каментары10

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Хрыста Грозеў: Мельнікава як мінімум год, а хутчэй за ўсё, паўтара перадавала інфармацыю беларускім спецслужбам36

Хрыста Грозеў: Мельнікава як мінімум год, а хутчэй за ўсё, паўтара перадавала інфармацыю беларускім спецслужбам

Усе навіны →
Усе навіны

«Магчыма, яна збегла ад каханка, ці ён яе забіў, ці яна ў Беларусі». Аўтар расследавання пра Анжаліку Мельнікаву42

У вакаліста Queen Фрэдзі Мерк’юры была пазашлюбная дачка1

Чаму не варта рабіць камп'ютарную тамаграфію без сур'ёзнай патрэбы6

У кобрынскай бальніцы патлумачылі, чаму ў ёй немэтазгодна мець свой апарат МРТ. Жыхары не згодныя5

У цэнтры Мінска прайшлі спаборніцтвы на драганботах ФОТЫ1

Амазонскае племя падало ў суд на The New York Times за «паклёпніцкі» артыкул пра моладзь і порна4

У ЗША спыняць выпуск аднацэнтавых манет2

Забіты ў Іспаніі паплечнік Януковіча за некалькі дзён да смерці прыязджаў ва Украіну2

«У мяне было пяць мужчын. Шосты — Ісус». Ася Паплаўская хацела стаць манашкай, але не атрымалася18

больш чытаных навін
больш лайканых навін

Хрыста Грозеў: Мельнікава як мінімум год, а хутчэй за ўсё, паўтара перадавала інфармацыю беларускім спецслужбам36

Хрыста Грозеў: Мельнікава як мінімум год, а хутчэй за ўсё, паўтара перадавала інфармацыю беларускім спецслужбам

Галоўнае
Усе навіны →

Заўвага:

 

 

 

 

Закрыць Паведаміць