Тэлеграм-канал «МотолькоПомоги» паведаміў, што сёння ў раёне 21:00 жыхары Лунінца чулі моцны выбух і бачылі яркую ўспышку. Паводле папярэдняй інфармацыі, у раёне паселішча Кажан-Гарадок упаў самалёт. Што кажуць мясцовыя?
Па словах жыхароў Кажан-Гарадка, выбух меў месца каля 21.30.
«Міліцыянеры былі, і машыны пажарныя, недзе на полі ўпала. Не ведаю, што там», — кажа мясцовая жыхарка, пенсіянерка.
Іншая жанчына таксама кажа, што ўпала нешта на полі.
«Не ведаю, што гэта было. Тут і карціны са сцен пападалі. Суседзі кажуць, чулі выбух, а я чула хлапок. Не ведаю, што там цяпер, Я сама не бачыла — поле ад нас не відна, поле за лесам. Чутно, што верталёт кружляе. На месца паехала адна пажарная і дзве хуткія», — дзеліцца жыхарка.
Іншы суразмоўца «Нашай Нівы» родам з Лунінецкага раёна мае інфармацыю, што ўпаў расійскі самалёт, які быў падбіты ўкраінцамі і спрабаваў дацягнуць да лунінецкага аэрадрома.
Па яго звестках, пілоты катапультаваліся і засталіся жывыя, іх знайшлі.
Цяпер чытаюць
Гісторыя арышту мазырскай блогеркі, якая некалькі гадоў хавалася ад сілавікоў, аказалася драматычнай6
Каментары