У Мінску прадаюць вагон з бізнэс-салонам. Цана, як за некалькі кватэр
На электроннай пляцоўцы «ІПМ-Торгі» з'явіўся незвычайны лот — пераабсталяваны вагон-салон чыгуначнага саставу. Яго стартавая цана складае $310 тыс., аднак з улікам камісій пакупніку ён абыйдзецца мінімум у $335,5 тыс, піша Onliner.by.
Вагоны такога тыпу (Ammendorf) вырабляліся ў Германіі. Канкрэтна гэты экзэмпляр выпушчаны ў 1991 годзе і першапачаткова быў пасажырскім купэйным. За час эксплуатацыі ён некалькі разоў праходзіў мадэрнізацыю: два капітальныя рамонты ў Рызе (у 2010 і 2021 гадах) і адзін дэпоўскі — у 2024 годзе на Гомельскім вагонабудаўнічым заводзе.
Пасля апошняга абнаўлення вагон атрымаў цалкам змененую планіроўку.
Частка плошчы занята камфартабельным купэ з шырокімі ложкамі і тэлевізарам. Астатняя прастора абсталявана як бізнэс-салон: вуглавая канапа, стол, два крэслы і яшчэ адзін тэлевізар.
Вагон прыпісаны да станцыі Мінск-Пасажырскі і знаходзіцца там жа. Таргі арганізуе экспедытарская кампанія «Рузэкспедыцыя». Аўкцыён запланаваны на 6 студзеня 2026 года.
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
-
Як цяпер выглядае старадаўні касцёл, на выратаванне якога дзяржава збірае ахвяраванні ФОТЫ
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары