Eŭrapiejski humanitarny ŭniversytet u vyhnańni (Vilnia) abviaściŭ pryjom abituryjentaŭ na vočnuju formu navučańnia na 2005/2006 navučalny hod (bakalarskija i mahistarskija prahramy). Siarod hetych prahram vyłučajecca bakalarskaja prahrama pa historyi i kulturnaj antrapalohii (biełarusistyka), vykładańnie na jakoj całkam biełaruskamoŭnaje. U perspektyvie hetaja prahrama musić stać asnovaj fakultetu historyi i kulturnaj antrapalohii. Pa kamentar naš karespandent źviarnuŭsia da Ihara Babkova, jaki źviazany z hetym prajektam.
— EHU šmat chto zakidaje ihnaravańnie biełaruskaj movy ŭ navučalnym pracesie. I tut — całkam biełaruskamoŭnaje navučańnie. Z čym źviazany taki pavarot?
— Prablema «EHU i mova» krychu štučnaja. Ja piać hod vykładaŭ u EHU pa-biełarusku na filazofskim fakultecie, i kolkaść biełaruskamoŭnych studentaŭ była nia mienšaja, čym u BDU. Prablema palahała chutčej u akademičnych kursach, adekvatnych sučasnamu stanu humanistyki.
— U čym budzie zaklučacca specyfika prahramy i chto budzie vykładać?
— Planujucca try asnoŭnyja daminanty: biełaruskaja historyja, volnaja ad idealahičnych mitaŭ (ja spadziajusia, što kurataram budzie Hienadź Sahanovič), intelektualnaja historyja i historyja idej (hetym zajmusia ja) i kulturnaja antrapalohija (kuratar — viadomy biełaruski navukoviec, proźvišča jakoha pakul pakiniem u sakrecie).
— Jakija ŭmovy dla studentaŭ?
— Umovy možna znajści na www.ehu-international.org. Skažu tolki, što navučańnie biaspłatnaje. Da taho ž studentam dajucca miescy ŭ internacie.
∎
5 žniŭnia, u dzień zakryćcia EHU, jaho studenty ładziać Dzień začynienych universytetaŭ. Jany prapanujuć usim nieabyjakavym uziać udzieł u fłeš-mobie. Treba pryjści a 22-j na Kastryčnickuju płošču, sieści na ziamlu i zapalić śviečku. Praź dziesiać chvilinaŭ spakojna ŭstać i, pakinuŭšy śviečku, syjści. Bolej infarmacyi na sajcie www.segun.info
Ciapier čytajuć
Staršynia Rady biaśpieki zaklikaŭ biełarusaŭ ustrymacca ad pajezdak u Rasiju7
Kamientary