Sumlennaja medsiastra Karalina (Kiejt Hadsan) z Novaha Arleanu najmajecca siadziełkaj da paralušnaha staroha. Burklivaja žonka chvoraha daje hieraini kluč ad usich dźviarej, i na haryščy cikaŭnaja Karalina znachodzić patajemny pakoj z pradmietami mahičnaha kultu. Chvory (Džon Hiort) daje zrazumieć, što staŭ achviaraj złych siłaŭ, i hierainia raspačynaje vyšuk…
Režyser Jan Softli akuratna ŭznaŭlaje ŭ karcinie prymiety strašnaha miesca. Stary dom, bahnistyja sažałki Łuizijany, šery doždž, rečy, ukrytyja pyłam, hnijeńnie, zababony j nehrycianskaja mahija. Aktrysy Kiejt Hadsan i Džyna Roŭłands (staraja haspadynia domu) stvarajuć prafesijny tandem. Haspadynia fanaberystaja, z padcisnutymi vusnami, abyjakavaja, vietlivaja j złaja; hierainia — zakłapočanaja, sumlennaja, maładaja.
Ale karcina zastavałasia b viałaj stužkaj, kali b nie enerhičnaja, niečakanaja i niepalitkarektnaja kancoŭka, trapna prydumanaja scenarystam Erenam Kruhieram (dramaturh amerykanskich «Zvankoŭ» i «Kryku-3»). Staryja bajki nabyvajuć žyćcio, kali kluč, jaki vam dajuć, akazvajecca klučom ad pastki.
▶
«Kluč ad usich dźviarej» («Skeleton Key»)
ZŠA, 2005, kalarovy, 104 chv.
Žanr: mistyka.
Adznaka: 5,5 (z 10).
U Biełarusi ŭžo niekalki viečaroŭ prablemy ź internetam. Raskazvajem, što adbyvajecca5
Kamientary