Prezydent Biełarusi pradstaviŭ siońnia na pasadzie novaha staršyniu Kamiteta dziaržaŭnaj biaśpieki hienierał‑majora Juryja Žadobina.
«Naša žyćcio imkliva mianiajecca, ale asnoŭnyja zadačy, jakija pavinien vyrašać Kamitet dziaržaŭnaj biaśpieki, — viečnyja. Dva z pałavinaj hady tamu, kali adbyłosia pradstaŭleńnie papiaredniaha novanaznačanaha kiraŭnictva KDB, my damovilisia ab tym, što hałoŭnaje ŭ rabocie čekistaŭ — zabieśpiačeńnie dziaržaŭnaj biaśpieki, — padkreśliŭ biełaruski lider. — Ja nikoli nie aryjentavaŭ kamitet na zabieśpiačeńnie majoj asabistaj ułady. Mnie heta absalutna nie patrebna. Supracoŭniki KDB pavinny abaraniać nie stolki prezidenta, kolki naš narod».
Alaksandr Łukašenka nahadaŭ, što ŭ svoj čas jon paabiacaŭ padtrymku KDB dla stvareńnia mahutnaj, pracazdolnaj, prafiesijnaj struktury, jakaja «pavinna dziejničać vielmi efiektyŭna, ale pry hetym cicha, nieprykmietna, pryhoža». «Kab našy ludzi z zachapleńniem, hordaściu havaryli pra čekistaŭ jak pra samych addanych dziaržavie, kryštalna sumlennych va ŭsich adnosinach supracoŭnikach. Ale pry hetym ja papiaredžvaŭ, što zaŭsiody budu kantralavać usich vas jak svaich dziaciej, tamu što vielmi caniu rabotu KDB. Ja svaje abiacańni vykanaŭ», — adznačyŭ kiraŭnik dziaržavy.
Pry hetym prezident vykazaŭ žorstkuju krytyku ŭ adras papiaredniaha kiraŭnictva Kamiteta dziaržaŭnaj biaśpieki.
Byłoha supracoŭnika kontrraźviedki KDB aryštavali za zdradu dziaržavie9
Kamientary