Skulptara sudzili za akcyju ŭ padtrymku biełaruskaj movy.
Sudździa zabaraniła advakatu apytvać śviedak pa-biełarusku, paviedamlaje pravaabarončy sajt spring96.org.
Advakat zajaviła na heta advod sudździ ŭ suviazi z dyskryminacyjaj biełaruskaj movy, ale i heta chadajnictva było adchilenaje.
Henika Łojku abvinavacili va ŭdziele ŭ niesankcyjanavanym mierapryjemstvie (art.23.34 KoAP RB) i pakarali aryštam na 5 sutak.
Raniej siastra Henika Łojki Valancina paviedamiła, što sudździa Ludmiła Łapo nie zadavoliła prośbu brata na pierakładčyka. A kali advakatka sprabavała sama pierakładać, zabaraniła i joj heta rabić — patrabavała havaryć pa-rusku.
Pa słovach Valanciny, na sudzie śviedčyŭ nie toj čałaviek, jaki niepasredna zatrymlivaŭ brata ranicaj.
Ciapier sudździa vydaliła ŭsich z zały. Čakajecca, što chutka budzie abvieščany prysud.
Ranicaj 21 lutaha Henik Łojka kala staličnaj himnazii №4 pravioŭ akcyju suprać rusifikacyi biełaruskamoŭnych škoł. Jon pryjšoŭ z płakatam «Vinšuju z Dniom rodnaj movy. Himnazija № 4 była apošniaj ź biełaruskaj movaj navučańnia». Zatrymali jaho, kali ŭžo viartaŭsia damoŭ.
Kamientary