U niekatorych rajonach vypała da dvuch mietraŭ śniehu.
U subotu Paŭdniovuju Afryku nakryŭ niezvyčajna mocny śniehapad, paviedamlaje ahientva AFP.
Asabliva paciarpieła šaša, jakaja złučaje harady Jochanesburh i Durban. Niekalki ŭčastkaŭ byli začynienyja, i navat abjaznyja šlachi akazalisia nieprachodnymi, paviedamili aficyjnyja asoby. Ludzi zachraśli ŭ aŭto i praviali ŭ ich usiu noč. Adzin z aŭtamabilistaŭ raskazvaŭ, što pravioŭ u mašynie ź dziećmi bolš za 13 hadzin.
SNOW ⛄️ in South Africa. Our guys say 1996 was the last heavy snowfall here. Wow.. the lions looked beyond stunning in this Winter Wonderland landscape. What a privilege to witness this highly unusual occurrence in Africa. ❤️ pic.twitter.com/iRarBijQpv
Hruzaviki byli pryparkavany na abočynie darohi ź piatnicy. Aŭtobusy, jakija kursujuć pamiž pravincyjami, zatrymalisia na zapravačnych stancyjach prykładna na siem hadzin.
Adno ź miascovych vydańniaŭ piša, što ŭ vyniku pieraachaładžeńnia zahinuła dvoje čałaviek, jakija stajali ŭ zatory praź śniehapad.
Jak piša AFP, čakajecca ŭzmacnieńnie śniehapadu, u suviazi z čym u niekalkich rajonach krainy dziejničaje druhoje pa vieličyni papiaredžańnie aranžavaha koleru.
Udalečyni ad niebiaśpiečnych zon heta redkaja źjava pryciahnuła ŭvahu ludziej, jakija ź nieciarpieńniem čakali źjaŭleńnia śniehu. Adzin mužčyna sa svajoj siamjoj try hadziny jechaŭ ź Jochanesburha va Uord.
-
Na patanułuju la Sicylii supieriachtu «brytanskaha Biła Hiejtsa» mohuć palavać suśvietnyja śpiecsłužby
-
Rasijski apazicyjanier Jašyn raskazaŭ, čamu nie choča raspadu Rasii i jak dumaje pracavać ź biełaruskimi palitykami — repartaž
-
U Ałbanii źbirajucca stvaryć novuju karlikavuju musulmanskuju dziaržavu
Kamientary