Z anłajn-aŭkcyjonu eBay vydalili abviestku pra prodaž Rasii. Heta adbyłosia prykładna praz hadzinu paśla publikacyi naviny pra źjaŭleńnie niezvyčajnaha łota.
Praviły aŭkcyjonu nie zabaraniajuć vystaŭlać na prodaž dziaržavy, adnak administracyja eBay maje prava vydalić łot pa tych ci inšych pryčynach (naprykład, kali na aŭkcyjon vystaŭleny rečy, jakimi pradaviec na samaj spravie nie vałodaje). Za toj čas, pakul abviestka znachodziłasia na sajcie, Rasiju acanili ŭ 100 tys. dalaraŭ.
***
Rasiju vystaviŭ na prodaž žychar horada Bielebiej Respubliki Baškartastan.
Pavodle pradaŭca, kraina «aficyjna vykarystoŭvałasia» tysiaču hadoŭ i znachodzicca ŭ «narmalnym stanie». U jakaści ilustracyj da abviestki vykarystoŭvajucca fatahrafija Kramla, palityčnaja karta Rasii, fatahrafii futbolnaj zaŭziatarki i rakietnaj ustanoŭki «Tapola-M».
Pradaviec taksama zabiaśpiečyŭ łot karotkim apisańniem ź infarmacyjaj pra płošču krainy i kolkaść jaje nasielnictva.Jon taksama patłumačyŭ pachodžańnie nazvy krainy ad hrečaskaha słova, jakoje ŭ svaju čarhu pachodzić ad vizantyjskaj nazvy Kijeŭskaj Rusi.
Startavaja cana łota składała adzin amierykanski cent.
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ9
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary