Namieśnik ministra abaraniaje navukoŭcaŭ

Uborka asnoŭnych ziernievych kulturaŭ pavinna skončycca da 20 žniŭnia, paviedamiŭ na pres‑kanferencyi namieśnik ministra sielskaj haspadarki i charču Vasil Paŭłoŭski. Jon vykazaŭ upeŭnienaść, što pastaŭlenaja zadača sabrać 7,2 młn. t. ziernia budzie vykananaja.

Sioleta žnivo maje skončycca na 10‑12 dzion raniej, čym u minułym hodzie. Uradžaj čakajecca dobry, jamu nie zaškodzili ani mocnaja suša ŭ červieni‑lipieni, ni zalevy na pačatku žniŭnia. Štopraŭda mocnyja daždžy na Bieraściejščynie zmusiać pakinuć u poli da 15% ziernievych, a na Haradzienščynie pasoch lon.

Pa stanie na 14 žniŭnia sabrana 6,525 młn. t. ziernia z 2,135 młn. ha. Zastałasia sabrać uradžaj ź 5,5% pasiaŭnych płoščaŭ. Na Viciebščynie i Mahiloŭščynie niesabranyja 12% i 8% płoščaŭ adpaviedna. Za košt hetych rehijonaŭ čakajecca asnoŭny pryrost vałavaha zboru ziernia. Miarkujecca, što vynikovaja ličba vałavaha zboru zbožžavych składzie zaplanavanyja 7,2 młn. t., dy jašče 600 tys. t. z prysiadzibnych i fermerskich haspadarak. Tudy ŭžo nakiravanaja ziernieŭboračnaja technika. Pryčyna zatrymak — niespryjalnaje nadvorje. Najvyšejšaja ŭradžajnaść zafiksavanaja ŭ haspadarkach Haradzienskaha rajonu — 54c/ha. Siaredni pa Biełarusi pakazčyk składaje 30,5 c/ha. Pa słovach namieśnika ministra, biełaruskija hatunki zbožžavych majuć patencyjał amal udvaja bolšy za siońniašni, ale dziela jaho realizacyi treba žorstka prytrymlivacca technalahičnych patrabavańniaŭ. Pry hetym jon vysoka acaniŭ pracu ajčynnych navukova‑praktyčnych centraŭ, patłumačyŭšy, što ŭ bolšaści vypadkaŭ prablema palahaje nie ŭ kiepskich hatunakach ziernievych, a mienavita ŭ parušeńni technalohii vyroščvańnia ŭ haspadarkach. Varta adznačyć, što ŭ časie vizytu ŭ Astraviecki rajon Alaksandar Łukašenka raskrytykavaŭ biełaruskich navukoŭcaŭ.

V. Paŭłoŭski paviedamiŭ taksama, što zadača pa zabieśpiačeńni patrebaŭ biełaruskich brovaraŭ pivavarnym jačmieniem vykananaja. Najlepšy pivavarny jačmień vyhadavali na Viciebščynie. Kancern «Biełsoład» planuje atrymać tam kala 90 tys. t sa 150 tys.t zaplanavanych ahułam pa Biełarusi. Jakaść hetaj syravinyŭ cełym zadavalniaje zamoŭcaŭ. Bolš za pałovu hatunkaŭ hetaj kultury — zamiežnaj sielekcyi.

Pa‑raniejšamu staić pytańnie zabieśpiačeńnia chlebapiakarniaŭ zierniem pšanicy ćviordych hatunkaŭ. U hetym hodzie abjom zakupak takoj syraviny składzie da 170 tys. t. «Abjomy impartu buduć zaležać ad koštaŭ, a košty rastuć i buduć raści» — patłumačyŭ čynoŭnik. Ziernie nabuduć u Rasiei dy Ŭkrainie. Tudy ž užo ciapier pradajuć nasieńnie pa koštach na 80% vyšejšych za ŭnutranyja. Istotnaje paciapleńnie klimatu z časam pazbavić biełaruskich chlebarobaŭ prablemy ź ćviordymi hatunkami pšanicy. Niebłahi patencyjał majuć kukuruza, prosa dy sorha.

Prezydent pastaviŭ zadaču pierad ziemlarobami atrymać paŭmiljona tonaŭ ziernia kukuruzy. U planach ministerstva značylisia 400 tys. t., adnak tam z hatoŭnaściu biarucca vykanać zahad kiraŭnika krainy. «Nadvorje hetamu spryjaje» — padkreśliŭ Vasil Paŭłoŭski. Zvažajučy na prablemy z uradžajem kukuruzy ŭ Małdovie, planujecca častku nasiennaha fondu narychtavać z ułasnaha ŭradžaju.

Niebłahija ŭ hetym hodzie perspektyvy z uradžajem bulby i cukrovikaŭ. Apošnich vyhadavali na miljon tonaŭ bolš ad patreby i zaraz šukajucca zamiežnyja pakupniki na lišak ŭradžaju. Uborka cukrovikaŭ pačniecca naprykancy žniŭnia, z tym, kab zahruzić pierapracoŭčyja pradpryjemstvy. Vasil Paŭłoŭski pryznaŭsia, što prajekt vytvorčaści bijapaliva z cukrovikaŭ dahetul nieraspracavany.

Adkazvajučy na pytańni pra asablivaści rearhanizacyi sielskaj haspadarki i metavaje subsydyjavańnie, pra što kazaŭ prezydent u Hierviatach, namieśnik ministra zaznačyŭ, što hałoŭnaje nie subsydyi, a ŭzvažany parytet koštaŭ na pramysłovuju i sielskahaspadarčuju pradukcyju. «Toj chto budzie pracavać intensyŭna, prytrymlivajučysia sučasnych technalohijaŭ i dajučy jakasnuju pradukcyju, toj i zastaniecca na pavierchni» — zaznačyŭ V. Paŭłoŭski. Na jaho dumku, budučynia za bujnymi sielskahaspadarčymi pradpryjemstvami, jakija buduć apracoŭvać na mienš za 8‑9 tys. ha płoščaŭ, dy naładziać pierapracoŭku pradukcyi na miescach, vykarystoŭvajučy sučasnaje abstalavańnie dy technalohii. Zabieśpiačeńnie haspadarak sučasnaj enerhaźbierahalnaj technikaj dazvoliła ciaham apošnich piaci hadoŭ skaracić abjom užyvańnia dyzpaliva amal utraja, straty ŭradžaju padčas uborki skaracilisia da 2‑3% pa Biełarusi, padvioŭ niekatoryja vyniki raźvićcia sielskaj haspadarki ciaham apošnich hadoŭ.

• 0
• 0
• 0
• 0
• 0
• 0
• 0
• 0