Bolš jak 2,5 tys. padvorkaŭ i 326 žyłych damoŭ padtopleny ŭ Homielskaj vobłaści pavodkavymi i tałymi vodami. Jak paviedamili ŭ Homielskim abłasnym upraŭleńni MNS, adsieleny 18 čałaviek.
Pavodkavymi i tałymi vodami padtopleny 64 učastki daroh i mastoŭ. U Žłobinskim rajonie vodami Dniapra padtopleny vioski i dačnyja kaapieratyvy. U Homieli ad raki Sož padtopleny ŭčastak darohi.
U vobłaści padtopleny FAP, dva mahaziny, dva viaskovyja kłuby, apteka, škoła.
21 krasavika ŭ likvidacyi nastupstvaŭ praryvu damby na race Prypiać kala vioski Mardvin Pietrykaŭskaha rajona byli zadziejničany bolš jak 50 čałaviek i 40 adzinak techniki. Na miesca razmyvu damby vyhružana 240 ton druzu, 367 kubamietraŭ piasku, skinuta 500 i padrychtavana 50 miaškoŭ ź piaskom. Usiaho z pačatku adnaŭlenčych rabot było vykarystana 4.100 miaškoŭ ź piaskom, 1.778 kubamietraŭ piasku i 400 ton druzu. Adnoŭlena šeść mietraŭ damby (pa try mietry z kožnaha boku).
22 krasavika raboty praciahvajucca.
Kamientary