U 2014 hodzie Rasija płanuje pastavić u Biełaruś čatyry dyvizijony S-300, da 2015 hoda — raźmieścić u krainie avijapołk sa źniščalnikami.
Pra heta paviedamiŭ ministr abarony Rasii Siarhiej Šajhu 23 krasavika ŭ Minsku na sustrečy ź biełaruskim kaleham Juryjem Žadobinym, paviedamlaje BiełaPAN.
* * *
Biełaruska-rasijskija stratehičnyja vučeńni ŭzbrojenych sił «Zachad-2013» nie nakiravany suprać Zachadu, ab hetym zajaviŭ siońnia Alaksandr Łukašenka ŭ čas sustrečy ź ministram abarony Rasii Siarhiejem Šajhu.
«Kali my rychtujem našy ŭzbrojenyja siły, siły biaśpieki da abarony našych sumiesnych intaresaŭ, ziamli, to my pavinny pravodzić adpaviednyja mierapryjemstvy, u tym liku vučeńni. Ja nie razumieju, čamu Zachad tak naściarožana reahuje na čarhovyja našy vučeńni. Heta ž nie pieršyja vučeńni, i jany nosiać navat nie abarončy charaktar, my prosta prycirajemsia adzin da adnaho, źjavilisia novyja ludzi, my praviarajem sistemu, jakaja daŭno naładžana», - adznačyŭ Łukašenka.
«Jany ni ŭ jakim razie nie nakiravany ni suprać palakaŭ, ni prybałtaŭ, ni suprać NATO naohuł», - padkreśliŭ Łukašenka.
«Ale, viadoma, jany pavinny razumieć, što, kali jany pasprabujuć niejak niadobra pahladzieć u naš bok, my budziem taksama reahavać», — zaŭvažyŭ Łukašenka, paviedamlaje BiełTA.
* * *
Ci pahražaje niezaležnaści Biełarusi raźmiaščeńnie rasiejskaj avijabazy ŭ Biełarusi?Suprać kaho buduć nacelenyja bajavyja źniščalniki? Voś što kaža vajskovy ahladalnik Alaksandar Alesin: «Ničoha novaha heta infarmacyja nie pryŭnosić.
Heta ŭsio robicca ŭ miežach uzmacnieńnia rehijanalnaj systemy SPA. To bok nie adbyłosia novych abmiežavańniaŭ niezaležnaści Biełarusi dadatkova da taho, kali była padpisanaja Damova ab stvareńni adzinaj systemy SPA. Sama damova abmiažoŭvaje niezaležnaść Biełarusi, ale heta adbyłosia ŭžo ŭ momant padpisańnia.
Patencyjny praciŭnik tut, viadoma ž, krainy NATO, a niepasredny praciŭnik, kali sudzić pa vykazvańniach rasiejskich vajskovych ekspertaŭ — heta, vidać, 48 amerykanskich źniščalnikaŭ F-16, jakija planujecca pierabazavać u Polšču ź Italii».
Soŭś: «A što z hetaj damovy budzie mieć Biełaruś?»
Alesin: «Tut treba razhledzieć dva aspekty — vajskovy i ekanamičny. Ad 1 śniežnia minułaha hodu spynienyja paloty vyniščalnikaŭ Su-27, ciažkich pierachopnikaŭ, jakija składali značnuju častku našaj systemy SPA. Jašče raniej, u lutym minułaha hodu, vyviedzieny z ekspluatacyi frantavyja bambaviki Su-24. Viadoma ž, heta značna asłabiła moc biełaruskaj systemy SPA i VPS, i heta treba było kampensavać. Pakolki Biełaruś nia ŭ stanie kupić takija samaloty, bo kožny ź ich kaštuje da 50 miljonaŭ dalaraŭ, dyk rasiejski avijapołk maje zakryć hetuju dziru ŭ systemie SPA.
Što tyčycca ekanamičnaha aspektu, dyk ja dumaju, što Łukašenka pahadziŭsia na heta ŭ abmien na niejkija lhoty i preferencyi. Mahčyma havorka idzie pra novyja kredyty, mahčyma pra padpisańnie naftavaha balansu — pahladzim».
U Biełarusi ŭžo niekalki viečaroŭ prablemy ź internetam. Raskazvajem, što adbyvajecca5
Kamientary