U Minsku adkryłasia vystava pra źnikłych dziaciej «Nie pa-dziciačamu» — fota
Jaje padrychtavali vałanciory pošukava-ratavalnaha atrada «Liza Alert».
«Liza Alert» — dobraachvotnicki atrad, jaki zajmajecca pošukami źnikłych dziaciej, — źjaviŭsia vosieńniu 2010 hoda, kali ŭ padmaskoŭnym lesie zhubiłasia dziaŭčynka Liza razam ź ciotkaj. Źnikłych šukali praktyčna tolki dobraachvotniki. I Lizu, i jaje ciotku znajšli zahinułymi, choć, kali b pošuki pačalisia raniej, usio mahło skłaścisia inakš. Atrad byŭ nazvany ŭ honar zahinułaj dziaŭčynki Lizy. Słova Alert uziata z nazvy mižnarodnaj sistemy reahavańnia na źnikłych dziaciej «Ambier Alert».
Rehijanalnaje padraździaleńnie atrada «Liza Alert Minsk» źjaviłasia niadaŭna, u pačatku 2013 hoda. Atrad užo niekalki razoŭ udzielničaŭ u pošukach sumiesna ź milicyjaj. Užo siońnia dziasiatki dobraachvotnikaŭ hatovyja ŭ lubuju chvilinu arhanizavać pošuki źnikłaha čałavieka ŭ lubym rehijonie Biełarusi.
U Biełarusi prablema źnikłych dziaciej staić nie tak vostra, jak u Rasii, tym nie mienš štohod u orhany ŭnutranych spraŭ pastupaje bolš jak 2 tysiač zvarotaŭ pra nieviadomaje źniknieńnie dziaciej.
Vystava «Nie pa-dziciačy» nazvana tak, tamu što historyi, pra jakija raskazvajecca ŭ ekspazicyi, — heta historyi dziaciej, pastaŭlenych na hrań pamiž žyćciom i śmierciu. Za kožnaj ź instalacyj na joj — los dziciaci.
Naviedvalnikam vystavy buduć pradstaŭleny dzieviać historyj, dzieviać raskazaŭ pra pošuki.
Na pres-kanfierencyi ŭ miežach adkryćcia ekspazicyi vałanciory «Lizy Alert» raskazali, što pavinny zrabić baćki, kab ich dzicia nie prapała, a taksama, što jany pavinny zrabić, kali takaja biada ŭsio ž zdaryłasia.
Kamientary