Konkurs«Jeŭrabačańnie-2013» možna vyjhrać tolki skupiŭšy hałasy. U hetym upeŭnienyja dvoje ruskamoŭnych mužčyn, jakija biez soramu prapanoŭvali hrošy litoŭcam za ich hałasy za adnaho z udzielnikaŭ konkursu.
Hetaja historyja pačałasia ŭ subotu ranicaj, kali ŭ redakcyju vydańnia 15 min.lt źviarnulisia studenty, jakija raspaviali dziŭnuju historyju: kala Biełaha mosta ŭ Vilni da ich padyšli ruskamoŭnyja mužčyny i prapanavali zarabić. «Praca» akazałasia nie pylnaja.
Treba było prahałasavać uviečary za nazvanaha vykanaŭcu na«Jeŭrabačańni-2013» jak maha bolš razoŭ, za što atrymać pa 20 jeŭra ŭznaharodžańnia. Pry hetam skupščyki hałasoŭ abiacali zabiaśpiečyćsim-kartami , na jakich rachunak byŭ zahadzia papoŭnieny.
Studenty pierakazali historyju 15min.lt, adnačasna złujučysia, što mienavita takim čynam Rasija zachoŭvaje svoj upłyŭ u Litvie i bačnaść, što tut usie padtrymlivajuć Rasiju. Litva sapraŭdy ŭsie apošnija hady addavała Rasii dastatkova vysokija bały.
Žurnalisty 15min.lt prykinułasia prahnymi hramadzianami i pajšli na sustreču da skupščykaŭ hałasoŭ.
Adnačasna uzbroiŭšysia schavanymi kamierami i dyktafonami. Užo na sustrečy akazałasia, što studenty pierabłytali krainu — skupka hałasoŭ viałasia nie za Rasiju, a za Azierbajdžan.
Skupščyki pryjšli ŭ pryznačanaje miesca ŭ kaviarniu biez spaźnieńniaŭ. Usiaho krychu bolš čym za dziesiać chvilin razmovy jany paśpieli vykłaści ŭsiu schiemu,
pachvalilisia, što skupka idzie ledź nie va ŭsich krainach, što inakš konkurs užo nichto daŭno nie vyjhraje,dy i naohuł, amal nie dali žurnalistam zadać nivodnaha pytańnia — raspaviali ŭsie sami i biez saramlivaści.
Mužčyna, jaki pradstaviŭsia Siarhiejem, raspavioŭ, što ich zadača sabrać jak maha bolš hrup pa dziesiać čałaviek.Hrupy pavinny być u roznych miescach horada, kab u apierataraŭ nie było padazreńniaŭ, što idzie masavaje hałasavańnie za adnaho z vykanaŭcaŭ z adnoj kropki.
Kožny z 10 čałaviek pavinien mieć pa piać telefonaŭ.Pahadziŭšymsia padzarabić vydajucca
Skupščyki pryznalisia, što kankretna jany ŭžo sabrali 8–10 takich hrup. Vierahodna, miełasia na ŭvazie, što takich, jak jany, u Litvie pracavała dosyć šmat.U kožnaj hrupie abaviazkova pavinien być adzin nahladčyk, jaki pa vynikach i apłačvaŭ pracu — prosta praviaraje kolkaść adpraŭlenych paviedamleńniaŭ i płacić.
Na prośbu dakazać, što zapłaciać, skupščyk samazadavolena vyciahnuŭ toŭsty pačak banknot pa piaćsot jeŭra, dadaŭšy, što raźličycca mohuć i ŭ litach. Maŭlaŭ, byli takija pažadańni ŭ niekatorych klijentaŭ.
Nibyta ŭsio heta ŭžo było adpracavana padčas paŭfinału. Tady pad kiraŭnictvam hetych kankretnych skupščykaŭ pracavała try hrupy.
Mužčyna biez usialakaha soramu raspavioŭ, što tak pracujuć na Azierbajdžan u 15 krainach.Što inakš piesienny konkurs nie vyjhrać, i što tak robiać ci ledź nie ŭsie krainy. Na pytańnie, kolki ŭsiaho kaštuje pieramoha ŭ konkursie, mužčyna łakanična skazaŭ, što miljony.
Darečy, u Litvie Azierbajdžan nabraŭ 12 bałaŭ (pieršaje miesca), a ŭ Biełarusi —
2-je (10 bałaŭ).
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach25
Kamientary