Dziaŭčaty ŭ kajdankach. Zakrytyja pasiedžańni. Chutkija prysudy.

Kala 25 udzielnikaŭ akcyi na Kastryčnickaj płoščy, zatrymanych nočču 24 sakavika, byli siońnia dastaŭleny z Žodzina ŭ Zavodzki sud Miensku.

Zatrymanych pryvieźli ŭ Zavodzki sud specyjalnym milicejskim transpartam – aŭtazakam i aŭtobusam. Ich supravadžała vosiem amapaŭcaŭ u čornym adzieńni. Vyvodzili aktyvistaŭ pa adnym – niekatorych z zaviazanymi rukami. Svajaki, siabry i adnadumcy ŭdzielnikaŭ akcyi byli ŭražany hetym vidoviščam – ich achoŭvali jak niebiaśpiečnych kryminalnych złačyncaŭ. Havoryć chatniaja haspadynia ź Miensku Cina Pałynskaja, jakoj udałosia paznać niekatorych znajomych:

(Pałynskaja: ) «Tam dakładna byli Tania Śnitko, Śvieta Stankievič i Nadzieja Siankievič. Ali Sidarovič niama. Značyć, jana niedzie ŭ inšym miescy. Siankievič była biez kajdankoŭ, a Stankievič u kajdankach. Ja ŭbačyła kajdanki».

Usie, chto pryjšoŭ pryvitać zatrymanych, spadziavalisia pabyvać na sudovym pasiedžańni. Adnak kiraŭnictva sudu i milicyjanty nie dazvolili prysutničać pry razhladzie spravaŭ ni žurnalistam, ni pravaabaroncam, ni baćkam udzielnikaŭ akcyi.

Spatkacca z žurnalistkaj «Našaj Nivy» Tacianaj Śnitko pryjšli jaje siastra Natalla i muž Źmicier Harbunoŭ. Adnak apošniaha milicyjanty hruba vyhnali z budynku sudu, što vielmi aburyła spadara Harbunova:

(Harbunoŭ: ) «Ja padyšoŭ da žonki skazać, što doma ŭsio narmalova ź dziećmi, a mnie: «Idzi adsiul!». Chiba heta ludzi? Na jakoj padstavie takoje adbyvajecca? Heta administracyjna zatrymanyja ludzi».

(Karespandent: ) «Ci viadoma, kolki joj prysudzili sutak?»

(Harbunoŭ: ) «My nia viedajem. Jana siadzieła i čakała tam kala kabinetu. Jaje pryviali tudy navierch».

Aktyvistcy kamandy Milinkieviča Halinie Kastylency ŭdałosia atrymać proźviščy niekalkich žycharoŭ namiotavaha haradka i daviedacca pra vyniki razhladanych spravaŭ:

(Kastylenka: ) «Šyła, Stankievič (chłopiec), Cierab, Skarabahaty, Chandoha (moža być, niedakładnaje proźvišča), Ivanovič, Šymanski, Chamiejeŭ, Cimafiejeŭ, Čykmaroŭ – tak, jany kazali svaje proźviščy. Niekalki čałaviek prajšli – vidać, im dali ŭkazańnie nie nazyvać proźviščaŭ. Albo, moža, stomlenyja dzieci. Šejko Dzianis – 15 sutak. Stankievič (chłopiec) – 15, kažu, bo jość i dziaŭčyna Stankievič. Skarabahaty – 15 sutak».

Adnamu sa svajakoŭ, jakoha pryniali za milicyjanta ŭ cyvilnym, udałosia padhladzieć, jak sudzili zatrymanych. Pavodle jaho słovaŭ, ich stavili tvaram da ściany, a amapaŭcy havaryli sudździ, pry jakich abstavinach ich zatrymali. Nie ŭdałosia patrapić na zakrytyja pasiedžańni i pravaabaroncu Ŭładzimieru Łabkoviču, jaki tak prakamentavaŭ Radyjo Svaboda ŭbačanaje ŭ Zavodzkim sudzie:

Radyjo Svaboda

• 0
• 0
• 0
• 0
• 0
• 0
• 0
• 0