Palityčny dziejač i čempijon śvietu pa šachmatach Hary Kasparaŭ pryniaŭ rašeńnie emihravać z Rasii. Na pres-kanfierencyi, jakaja pravodziłasia 4 červienia ŭ Ženievie, Kasparaŭ patłumačyŭ, što baicca pieraśledu z boku rasijskich uładaŭ.
«Ja jeździŭ tudy i nazad až da kanca lutaha, kali stała jasna, što rasśledavańnie dziejnaści palityčnych aktyvistaŭ moža zakranuć i mianie, -- zajaviŭ Kasparaŭ. -- Ciapier ja surjozna sumniavajusia, što pa viartańni ŭ Maskvu mnie ŭdasca vyjechać nazad. Tak što na niekatory čas ja ad viartańnia ŭ Rasiju ustrymajusia». Raniej, u krasaviku, palityk zajaŭlaŭ, što čutki pra jaho emihracyju źjaŭlajucca pierabolšańniem.
Kasparaŭ aktyŭna ŭdzielničaŭ u dziejnaści rasijskaj apazicyi ź siaredziny 2000-ch.U pryvatnaści, jon prymaŭ udzieł u stvareńni i rabocie arhanizacyj «Abjadnany hramadzianski front» i «Salidarnaść». Palityka dvojčy zatrymlivali za ŭdzieł u niesankcyjanavanych palityčnych akcyjach, u 2007 hodzie jon byŭ aryštavany na piać sutak, i pravaabarončaja arhanizacyja Amnesty International abviaściła jaho «viaźniem sumleńnia».
-
«Kolkaść chvorych pavialičycca». Suśvietnaja arhanizacyja achovy zdaroŭja papiaredziła pra novyja vypadki chantavirusa
-
Mierkiel nazvali jašče adnym vierahodnym pasiarednikam na pieramovach Rasii i Ukrainy
-
Rasija na miažy vyčarpańnia hrošaj: deficyt biudžetu za 4 miesiacy ŭ paŭtara raza pieravysiŭ prahnoz na ceły hod
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju1
Kamientary