Sankcyi Jeŭrapiejskaha sajuza ŭ dačynieńni da Biełarusi źjaŭlajucca «absalutna nienarmalnaj źjavaj» i pavinny być admienienyja. Pra heta zajaviŭ kiraŭnik biełaruskaha MZS Uładzimir Makiej 10 lipienia napres-kanfierencyi ŭ Maskvie.
Sustreča z žurnalistami adbyłasia pa vynikach pieramoŭ Uładzimira Makieja z rasijskim kaleham Siarhiejem Łaŭrovym.
«My zaŭsiody vystupali za dyjałoh i za lubyja prapanovy, jakija mahli b spryjać raźvićciu hetaha dyjałohu z našymi jeŭrapiejskimi partniorami,— skazaŭ Makiej. — My majem namier padtrymlivać ciesnyja adnosiny z usimi našymi susiedziami, z usimi krainami, jakija hatovy iści nam nasustrač».
Kažučy pra samit Uschodniaha partniorstva, jaki maje adbycca ŭ Vilni ŭ listapadzie, Makiej zaznačyŭ:
«My spakojna hladzim na tyja dyskusii, jakija adbyvajucca na temu taho, chto budzie zaprošany na hety samit [ad Biełarusi], u jakim statusie i hetak dalej.My miarkujem, što kali ES zacikaŭleny ŭ tym, kab mieć dyjałoh ź Biełaruśsiu, to heta pavinien być raŭnapraŭny dyjałoh biez
Pavodle słoŭ ministra, na hetym etapie Biełaruś zacikaŭlenaja va ŭdziele va Uschodnim partniorstvie. «My možam uziać adtul peŭnyja karysnyja momanty dla siabie, možam udzielničać u niejkich rehijanalnych prahramach, jakija mohuć prynieści dyvidendy dla Biełarusi», — patłumačyŭ jon.
«Ale my vielmi spakojna hladzim na ŭdzieł Biełarusi ŭ hetaj inicyjatyvie, — skazaŭ Makiej. —
Kali stanovišča składziecca tak, što nam niavyhadna budzie brać udzieł u hetym vymiareńni, to my budziem analizavać situacyju i prymać rašeńnie, zychodziačy z najaŭnych akaličnaściaŭ».
Nahadajem, 24 červienia na pasiadžeńni Savieta ministraŭ zamiežnych spraŭ ES u Luksiemburhu było pryniataje rašeńnie ab prypynieńni vizavych sankcyj u dačynieńni da Uładzimira Makieja. Sankcyi prypynienyja na toj čas, pakul jon zajmaje pasadu ministra zamiežnych spraŭ Biełarusi. Razam z tym Makiej zastajecca ŭ śpisie asob, na jakich raspaŭsiudžvajucca finansavyja sankcyi (rachunki i ŭłasnaść hetych asob na terytoryi ES pavinny być zamarožanyja).
U paviedamleńni pa vynikach pasiadžeńnia havaryłasia: «Saviet spraščaje dypłamatyčnyja kantakty pamiž ES i Biełaruśsiu. Kab ablehčyć kantakty, saviet siońnia prypyniŭ zabaronu na ŭjezd dla biełaruskaha ministra zamiežnych spraŭ Uładzimira Makieja».
Kamientary