Asieńni dzień astranomii źjaŭlajecca «małodšym bratam» viesnavoha Dnia hetaj navuki. U hetyja dni va ŭsim śviecie na vulicy vychodziać amatary astranomii i prafiesijanały, jakija pakazvajuć usim achvotnym nieba ŭ teleskop, pravodziać biaspłatnyja lekcyi, pakazy filmaŭ. Tamu i kožny hod daty hetych śviataŭ źmianiajucca, bo pavinny być vykananyja peŭnyja ŭmovy: Dzień astranomii pavinien prychodzicca na subotu (kali ŭ ludziej budzie vychodny) i na niebie ŭviečary pavinien być bačny Miesiac.
Sioleta śviata prypadaje na 12 kastryčnika, i Minski płanietaryj pry padtrymcy minskaha kłuba amataraŭ astranomii «Aš-niu» płanuje šerah cikavych mierapryjemstvaŭ. U hety dzień z 17 da 22 hadzin možna budzie biaspłatna pasłuchać lekcyi ŭ Płanietaryi ci pahladzieć karotkija astranamičnyja klipy biełaruskich aŭtaraŭ (z abaviazkovaj ekskursijaj pa zornym niebie). Dla dzietak buduć arhanizavanyja konkursy i viktaryna. A ŭ faje płanietaryja možna budzie paznajomicca z fotavystavaj Viktara Małyščyca «Biełaruś u abdymkach zorak. Praciah». Kali nadvorje budzie spryjalnym, to ŭ parku Horkaha buduć arhanizavanyja nazirańni za Miesiacam u teleskop.
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary