Zubr vyjšaŭ ź lesu, razahnaŭ zborščykaŭ burakoŭ i paŭdnia baściŭsia z kambajnam.
Amal na paŭdnia zubar spyniŭ uborku burakoŭ u SPK «Dociški» Voranaŭskaha rajonu.
Zubar vyjšaŭ na pole ź lesu i raspužaŭ mechanizavanaje źviano burakavodaŭ. Vializnaja, dzieści 800‑kilahramovaja žyviolina pieraharadziła darohu burakaŭboračnamu kambajnu «Farvajt», mechanizatar jakoha kala troch hadzin cichutka prasiedzieŭ u kabinie. Specyjalist i dva palavody dyk zusim uciakli z pola.
Tady zubar trojčy maniŭsia ŭziać na rohi samachodny mechanizm. Paśla niaśpiešliva jeŭ buraki j valaŭsia na ich. Urešcie rešt, uvolu papataptaŭšy burakovy paletak, hihant viarnuŭsia ŭ les.
Jak padrachavali ŭ SPK, za čas vymušanaha prastoju mechanizatar zmoh by sabrać bolš za 40 t burakoŭ.
Tracinu ci kala pałovy terytoryi niekatorych rajonaŭ Haradzienščyny zajmajuć lasy, puščy j zapaviedniki. Dziela hetaha apošnim časam paŭstaje niamała prablem z‑za dzikich žyvioł. Asabliva razzuchvalilisia dziki j zubry. Jany niščać pasievy zbožža, bulby, burakoŭ i kukuruzy. U pryvatnaści, u Śvisłackim rajonie ad našeścia žyvioł paškodžanyja kala tysiačy hiektaraŭ sielskahaspadarčych kultur. Straty skłali bolš jak 245 miljonaŭ rubloŭ.
19 vieraśnia ŭviečary na aŭtadarozie Lepiel‑Połack «Žyhuli» sutyknulisia ź dzikom, jaki źniačeŭku vyskačyŭ na darohu.
Mašynu vylecieła na sustrečnuju pałasu i ŭrezałasia ŭ «Aŭdzi». Kiroŭca «Žyhuloŭ» z traŭmami trapiŭ u bolnicu.
La vioski Łasi Astravieckaha rajonu ź lesu niespadzieŭki vyskačyŭ dzik i prataraniŭ aŭtamabil «Falksvahien‑Holf», jaki jechaŭ na chutkaści 80 km/h.
Paśla sutyknieńnia mašynu matlała ŭbaki jašče kala sotni metraŭ i ŭrešcie jana vylecieła pad adchon. Na ščaście, kiroŭca i try pasažyry surjozna nie paciarpieli — abyšlisia vycionami j drapinami. Mašyna mocna paškodžanaja. Dzik zdoch.
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć48
Kamientary