Niaŭstojlivaje nadvorje čakajecca ŭ hetyja vychodnyja, zaznačaje hałoŭny sinoptyk Biełhidramieta Ludmiła Paraščuk.
U pieršaj pałovie kastryčnika było mała apadkaŭ, a miescami pa krainie z pačatku miesiaca ni razu nie prajšoŭ doždž.
Tak sucha ŭ Biełarusi ŭ pieršaj pałovie kastryčnika byvaje raz u 25-30 hadoŭ.
Ad piatnicy nadvorje pačnie mianiacca.
U subotu pryjdzie chałodny atmaśfierny front z Bałtyjskaha mora. Nočču na bolšaj častcy, a dniom u krajnich uschodnich rajonach krainy čakajucca karotkačasovyja daždžy, nočču i ranicaj miescami — z mokrym śnieham. Dniom budzie 4—9 hradusaŭ sa znakam plus .
Dniom u niadzielu na bolšaj častcy terytoryi krainy projduć karotkačasovyja daždžy, pa paŭnočnym uschodzie — z mokrym śnieham. Nočču i ranicaj — tuman. Tempieratura pavietra dniom składzie plus 3-10 hradusaŭ, pa Bresckaj vobłaści — da 12 hradusaŭ.
U siaredzinie nastupnaha tydnia na terytoryju krainy pačnie pastupać ciopłaje pavietra z Centralnaj Jeŭropy i stanie ciaplej.
U sieradu dniom čakajecca ad plus 8 da plus 15 hradusaŭ, pa paŭdniovym zachadzie Bresckaj vobłaści budzie 16-17 hradusaŭ vyšej za nul.
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary