Sotni žycharoŭ Vialikabrytanii 11 listapada prybyli na pachavańnie samotnaha vieterana Druhoj Suśvietnaj vajny Haralda Piersivala, jaki pamior va ŭzroście 99 hadoŭ u brytanskim domie sastarełych.
Ludzi pačali sychodzicca da krematoryja na paŭnočnym zachadzie Anhlii paśla abviestki ŭ miascovaj haziecie pra toje, što na pachavańnie adzinokaha vieterana, jaki słužyŭ u karaleŭskich VPS, moža naohuł nichto nie pryjści.
Abviestka chutka raspaŭsiudziłasia pa sacyjalnych sietkach, paśla čaho pra svoj namier namier addać apošnija ŭšanavańni vieteranu zajavili sotni ludziej, u tym liku baćkoŭ ź dziećmi, vajskoŭcaŭ i ŭsio jašče žyvych vieteranaŭ.
Budynak miascovaha krematoryja nie zdoleŭ źmiaścić usich achvotnych raźvitacca ź Piersivalem, tamu niekalki socień čałaviek z kvietkami stajali pad daždžom na vulicy.
Adziny svajak vieterana — jaho plamieńnik Andre Kaljer-Varsieł — zajaviŭ, što paśla hazietnaj publikacyi ab chutkim pachavańni čakaŭ prychodu niekalkich čałaviek. Pavodle jaho słoŭ, jon «uzrušany» kolkaściu nieabyjakavych ludziej, a taksama vielmi kranuty ich udziełam.
Pachavańnie pačalisia z chviliny maŭčańnia ŭ pamiać ab usich brytancach, jakija zahinuli ŭ roznych vojnach. Dzień pamiaci ŭ Vialikabrytanii tradycyjna adznačajuć 11 listapada — u dzień zakančeńnia Pieršaj Suśvietnaj vajny.
Piersival padčas vajny słužyŭ u kamandzie naziemnaha zabieśpiačeńnia bambardziroŭščykaŭ, jakija źniščali niamieckija damby na rekach Rurskaha pramysłovaha rehijonu.
Jak raspavioŭ jaho plamieńnik, Piersival nie byŭ hierojem, ale sumlenna słužyŭ svajoj krainie ŭ ciažkija dla jaje časy.
Kamientary