Sielhaspradpryjemstvam nie chapaje kamputarščykaŭ i miechanizataraŭ
Pryčyna — małyja zarobki.
Tolki pałova sielhaspradpryjemstvaŭ Biełarusi zabiaśpiečanaja piersanałam u dastatkovaj stupieni, śviedčać źviestki apytańnia kiraŭnikoŭ sielhasarhanizacyj, praviedzienaha Navukova-daśledčym ekanamičnym instytutam ( NDEI ) Ministerstva ekanomiki.
Padčas apytańnia, u jakim uziali ŭdzieł kiraŭniki 429 sielhasarhanizacyj i fiermierskich haspadarak, 49,4 % respandentaŭ acanili stupień zabiaśpiečanaści kadrami jak zdavalniajučuju. 43 % apytanych kiraŭnikoŭ ličać zabiaśpiečanaść svaich pradpryjemstvaŭ kadrami niedastatkovaj, 7,6 % apytanych acanili jaje jak «vielmi nizkuju».
«Najbolšy niedachop kadraŭ maje miesca siarod śpiecyjalistaŭ u halinie vyličalnaj techniki: na vielmi nizkuju zabiaśpiečanaść supracoŭnikami dadzienaj śpiecyjalnaści pakazali 28 % haspadarak, jašče 33,6 % kiraŭnikoŭ sielhasarhanizacyj ličać ich kolkaść niedastatkovym», - havorycca ŭ śniežańskim numary «Ekanamičnaha biuletenia», jaki vydajecca NDEI Minekanomiki.
U sielhaspradpryjemstvach taksama nazirajecca deficyt rabočych prafiesij, a mienavita - miechanizataraŭ (ich niedastatkovaść adznačyli 56,2 % haspadarak), apierataraŭ mašynnaha dajeńnia (52,2 %) i žyviołavodaŭ (50,9 %).
Na dumku śpiecyjalistaŭ NDEI Minekanomiki, značnaja častka svabodnych pracoŭnych miescaŭ zastajecca niezapatrabavanaj z-za nizkaha ŭzroŭniu apłaty pracy i ciažkich umoŭ pracy. Prablema abvastrajecca jašče i ŭ suviazi z adtokam kadraŭ u Rasiju.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho8
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary