Hurt «Krama» rychtuje da vydańnia vośmy albom. Pracu planujecca skončyć viasnoj.
U pakul bieznazoŭny dysk kamandy ŭvojduć pieśni, užo viadomyja z kancertnaha vykanańnia: «Dziakuj Bohu, my idziem damoŭ», «Z Novym hodam», «Dziaŭčynka», a taksama zusim novyja rečy. «Na albomie budzie nie bolš za 10 piesień, užo zapisanyja rečy pierazvodzić hukaapieratar Alaksandr Paprocki, ź jakim my pisali našy samyja pieršyja rečy bolš za 20 hod. A nad novymi tvorami my jakraz ciapier pracujem, dumaju, što da viasny paśpiejem», - paviedamiŭ Tuzin.fm lidar kamandy Ihar Varaškievič.
U pracy pieśni pad pracoŭnymi nazvami «Vyšej za dachi» i «Rok-n-roł».
Novy albom «Kramy» vyjdzie praz šeść hod paśla papiaredniaha dyska «Usio žyćcio – dziŭny son». Sa słoŭ hitarysta hurtu Siarhieja Truchanoviča, jaho hučańnie budzie bolš drajvavym i enierhičnym za ŭsie papiarednija pracy: «Dziŭna było b čakać ad nas rezkich źmienaŭ, elemientaŭ chip-chopu, hranžu ci niečaha jašče. Ale skažu dakładna, što naš albom budzie bolš rok-n-rolnym».
Šerah piesień z novaha alboma «Kramy» prahučyć na ich bližejšym kancercie 15 studzienia ŭ minskim kłubie «Hrafici».
Mienavita na hetym vystupie muzyki źbirajucca syhrać upieršyniu zusim novy trek – «Vyšej za dachi».
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie37
Kamientary