Prezident Francyi Fransua Aland aficyjna abviaściŭ, što Valery Tryjerviejler, jakaja źjaŭlałasia pieršaj łedzi z 2012 hoda, bolš nie źjaŭlajecca jaho partnioram. Pra heta francuzski lidar paviedamiŭ u subotu, 25 studzienia, u ekskluziŭnaj zajavie Agence France-Presse.
Padkreśliŭšy, što pramaŭlaje jak pryvatnaja asoba, Aland zajaviŭ: «Ja chacieŭ by abviaścić, što ja vyjšaŭ z sajuza z Valery Tryjerviejler». Inšych padrabiaznaściaŭ ahienctva nie pryvodzić.
Aland i Tryjerviejler byli paraj z 2007 hoda, adnak aficyjnaha šlubu jany nie zaklučali. Kali Alanda abrali prezidentam, jaho spadarožnica vykonvała rolu pieršaj łedzi i supravadžała kiraŭnika dziaržavy ŭ aficyjnych pajezdkach.
U pačatku studzienia francuzskija tabłoidy paviedamili pra toje, što Ałand zdradžvaje Tryjerviejler z 41-hadovaj aktrysaj Žuli Hajie.
Jak miarkujecca, 10 studzieni prezident raspavioŭ pieršaj łedzi pra zdradu, paśla čaho jana trapiła ŭ špital ź niervovym źniasileńniem.
Kamientary