Pradprymalnyja žychary Kobrynskaha rajona arhanizavali niezakonny pieraprodaž koniej.
Supracoŭniki Kobrynskaha mižrajonnaha adździeła finansavych rasśledavańniaŭ u chodzie praviadzieńnia pravieračnych mierapryjemstvaŭ vyjavili, što try žychary hetaha rajona na praciahu dvuch hadoŭ zajmalisia niezakonnaj pradprymalnickaj dziejnaściu, źviazanaj ź pieraprodažam koniej. Za hety čas jany atrymali niezakonny dachod na sumu bolš jak 600 młn. rubloŭ.
Pavodle infarmacyi finansavaj milicyi, hetyja
hramadzianie zakuplali va Ukrainie koniej, uvozili ich u Biełaruś i raźmiaščali ŭ adnoj ź viosak Kobrynskaha rajona. Paśla koniej realizoŭvali hramadzianam Biełarusi, Rasii i Kazachstana.
Padčas apieratyŭnych mierapryjemstvaŭ u nielehalnych pradprymalnikaŭ kanfiskavana bolš jak $ 18 tys. i kala 180 tys. rasijskich rubloŭ, nakładzieny aryšt na lehkavyja aŭtamabili. Taksama ŭ ich kanfiskavana 65 koniej. Usie troje hramadzian byli zatrymanyja.
Pa dadzienym fakcie raspačataja kryminalnaja sprava pa častcy 3 artykuła 233 (niezakonnaja pradprymalnickaja dziejnaść) Kryminalnaha kodeksa Respubliki Biełaruś. Maksimalny termin pakarańnia praduhledžvaje pazbaŭleńnie voli na termin ad dvuch da siami hadoŭ z kanfiskacyjaj majomaści abo biez kanfiskacyi.
Ciapier čytajuć
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»33
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary