Прадпрымальныя жыхары Кобрынскага раёна арганізавалі незаконны перапродаж коней.
Супрацоўнікі Кобрынскага міжраённага аддзела фінансавых расследаванняў у ходзе правядзення праверачных мерапрыемстваў выявілі, што тры жыхары гэтага раёна на працягу двух гадоў займаліся незаконнай прадпрымальніцкай дзейнасцю, звязанай з перапродажам коней. За гэты час яны атрымалі незаконны даход на суму больш як 600 млн. рублёў.
Паводле інфармацыі фінансавай міліцыі, гэтыя
грамадзяне закуплялі ва Украіне коней, увозілі іх у Беларусь і размяшчалі ў адной з вёсак Кобрынскага раёна. Пасля коней рэалізоўвалі грамадзянам Беларусі, Расіі і Казахстана.
Падчас аператыўных мерапрыемстваў у нелегальных прадпрымальнікаў канфіскавана больш як $ 18 тыс. і каля 180 тыс. расійскіх рублёў, накладзены арышт на легкавыя аўтамабілі. Таксама ў іх канфіскавана 65 коней. Усе трое грамадзян былі затрыманыя.
Па дадзеным факце распачатая крымінальная справа па частцы 3 артыкула 233 (незаконная прадпрымальніцкая дзейнасць) Крымінальнага кодэкса Рэспублікі Беларусь. Максімальны тэрмін пакарання прадугледжвае пазбаўленне волі на тэрмін ад двух да сямі гадоў з канфіскацыяй маёмасці або без канфіскацыі.
-
Беларус фатальна пазнаёміўся ў інтэрнэце з дзяўчынай. Ужо завязваліся адносіны — як раптам кавалер страціў $28 тысяч
-
У Мастах п'яныя мужыкі стралялі з кватэры з пнеўматыкі. І трапілі ў суседскі «Опель»
-
Мінскі прадпрымальнік пазычыў у знаёмых 55 тысяч рублёў на бізнэс — і прайграў усё ў анлайн-казіно
Цяпер чытаюць
У Чэхіі малады беларус трапіў у кому — наглытаўся таблетак праз праблемы з легалізацыяй і разрыў з дзяўчынай21
Каментары