Jak paviedamiŭ načalnik źmieny aeraporta Anatol Rečanka, kala troch hadzin nočy na terytoryju aeraporta Bielbiek uvajšli ludzi ŭ vajskovaj formie sa zbrojaj. Prykładna trysta čałaviek. Na dumku Rečanki, heta rasijskija vajskoŭcy.
Daroha ŭ aeraport Bielbiek pierakrytaja, stajać ludzi z aŭtamatami. Nikoha da siabie nie padpuskajuć sa słovami «Nie padychodź, budziem stralać!»
Načalnik źmieny aeraporta Rečanka sprabavaŭ vyjści ź imi na pieramovy i vyśvietliŭ, što jany achoŭvajuć aeraport ad pravakacyj. Pavodle jaho słovaŭ, na terytoryi aeraporta taksama znachodzicca 3 BTRy i 10 vajskovych «Urałaŭ».
Vajskoŭcy nijakich patrabavańniaŭ nie vysoŭvajuć. Na dadzieny momant aeraport začynieny, kali adkryjecca — nieviadoma. Admienienyja zapłanavanyja na siońnia try čartarnyja rejsy.
Kamientary