Pra ŭmovy ŭtrymańnia źniavolenych u izalatary UUS Mienharvykankamu na zavułku Akreścina nam raspavioŭ Alaksiej Šein, vyzvaleny 24 sakavika paśla piaci sutak aryštu.
Samaja vialikaja patreba aryštantaŭ – infarmacyja. Vielmi važna pieradavać hazety. U kamery, kudy patrapiŭ Alaksiej, hazety byli: ich pieradavali sp.Antončyku. Adnak ź niadzieli 19 sakavika pa čaćvier pieradačy zabaranili. Kažuć, u jakaści pakarańnia za mabilnik, znojdzieny ŭ kahości z aryštantaŭ. Jašče adzin mabilnik zastajecca ŭ turmie. Milicyja šukała jaho pa kamerach, ale tak i nie znajšła. U kamery Alaksieja try razy čynili pieratrus.
Źniavolenyja zdahadvalisia ab padziejach padčas vyvazaŭ na sud: u kalidorach turmy sustrakali ŭsio novych ludziej. Pa kolkaści zatrymanych možna było zdahadvacca, što akcyja ŭsio jašče praciahvajecca. Ad Volhi Kuźmič i Anatola Labiedźki daviedalisia pra namiotavy haradok, choć milicyjanty nie dazvalali razmaŭlać.
Źniavolenyja taksama pieramaŭlajucca praz ventylacyju: składajuć varonkaj hazetu, prykładajuć da ventylacyjnaj adtuliny i kažuć: «Havoryć kamera numar...»
Pra zachop i razhon namiotavaha haradku a 3-j ranicy 24 sakavika źniavolenyja zdahadalisia adrazu ž: usiu noč jeździli aŭtobusy, turma huła, čułasia j šmat dziavočych hałasoŭ.
Umovy ŭtrymańnia
Novy bieły budynak na Akreścina – heta izalatar časovaha ŭtrymańnia-pryjmalnik-raźmierkavalnik (IČU PR). Jak kažuć milicyjanty, jon jašče nia ŭviedzieny ŭ ekspluatacyju, ale zasieleny. Alaksiej byŭ adnym ź pieršych žycharoŭ. U adroźnieńnie ad staroha budynku ASPR (abjadnanaha specpryjmalnika-raźmierkavalnika), tam u kamerach jość nary (1- i 2-ch paviarchovyja), tumbački, u kožnaj kamery – radyjokropka, rukamyjnica z haračaj vadoj, prybiralnia adharodžana dźviaryma. Patrapiŭšy ŭ kameru, Alaksiej adčuŭ siabie ščaślivym: raniej jon siadzieŭ u ASPR i tamu zmoh acanić roźnicu va ŭmovach utrymańnia.
Zaraz, paśla akcyi, zasielenyja abodva budynki: IČU PR i ASPR.
U budynku ASPR samyja chałodnyja kamery – na pieršym paviersie. Na padłozie stajać łužyny, a ścieny pakryty toŭstym nalotam žoŭtaj ćvilli. U niekatorych kamerach nie začyniajucca vokny. Alaksieju ŭdałosia prylapić škło da ramy chlebnym miakišam – stała troški ciaplej.
Kormiać na Akreścina dvojčy na sutki. A 7–8 ranicy źniavolenyja atrymlivajuć kašu («siečku») i niešta nakštałt harbaty, uviečary (čas nie fiksavany, a 21–23) – znoŭ kašu, bałandu, chlebnuju katletu i harbatu.
Paśla źniavoleńnia aryštant atrymlivaje rachunak, jaki musić apłacić: 15% ad bazavaj vieličyni za kožny dzień aryštu. U vypadku Alaksieja – 13900 rubloŭ. Zapłacić hetyja hrošy treba ciaham 15 dzion, inakš jany buduć spahnanyja prymusova.
Pobyt
Hałoŭnaja prablema dla źniavolenaha – čym zaniać čas. Kamera Alaksieja ŭsim składam hulałasia ŭ šaški, zroblenyja z chlebu – biełaha i čornaha. Doška dla hulni była vyrazana na narach. Uroki šašak davaŭ Anatol Jacenka, vice-prezydent suśvietnaj federacyi šašak, hramadzianin Ukrainy i supracoŭnik Ukrainskaha ministerstva sportu. U asobie Siarhieja Antončyka jon znajšoŭ mocnaha partnera pa hulni: Antončyk niekali byŭ čempijonam pramysłovaha abjadnańnia. Anatol Jacenka pryjechaŭ 12 sakavika na adzin dzień zaklučyć damovu ź Biełaruskaj federacyjaj šašak, a ŭviečary na 15 chvilinaŭ zavitaŭ da Ladovaha pałacu pahladzieć na kandydata Milinkieviča. Budynak biełaruskaj Federacyi (vuł.Marksa, 10), jaki znachodzicca ŭ adnym budynku z Nacyjanalnym alimpijskim kamitetam, byŭ adznačany na mapie sp.Jacenki kružočkam. Heta i vyklikała padazreńni ŭ milicyjantaŭ.
Salidarnaść
U turmie jość svaje rytuały prajavy salidarnaści. Naprykład, kali źniavolenyja čujuć, što niekaha viaduć pa kalidory, z kameraŭ kryčać: «Žyvie Biełaruś!» Usia turma adkazvaje: «Žyvie!» Uviečary niechta (miarkujučy pa hołasie, spadar Jucho) śpiavaŭ pieśni. Praz systemu ventylacyi ich možna było čuć pa ŭsich kamerach, ź inšych kamer ludzi jamu padpiavali. Pry žadańni možna było navat vyvučyć repertuar.
Vialikaja dapamoha kožnamu źniavolenamu – Biblija. Svaju Bibliju Alaksiej addaŭ sukamernikam, kali pakidaŭ turmu. Heta vialikaja padtrymka ŭ momanty adčaju. Cytata «niama vyprabavańniaŭ pa-nad siłu» paŭtarałasia ŭ kamery vielmi časta, kaža Alaksiej. I jašče vielmi vialikaja padtrymka dla asudžanych – heta prysutnaść na sudzie blizkich i siabroŭ.
Vieranika Dziadok
Niezarehistravany pravaabarončy centar «Viasna» akazvaje dapamohu paciarpiełym. Źviartajciesia na t.: 231-08-44.
Ciapier čytajuć
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach77
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach7
«Kali i pryjedu ŭ Biełaruś, to ŭžo jak turyst». Arhienciniec chacieŭ zrabić biznes u Biełarusi, ale jaho vysłali za drabiazu. Ciapier dazvolili viarnucca, ale jość niuans22
Kamientary