U Charkavie zatrymali i na dva miesiacy ŭziali pad vartu adnaho z arhanizataraŭ prarasiejskich mitynhaŭ Kanstancina Dałhova.
Pra heta paviedamili UNIAN jaho paplečniki.
Pa ich źviestkach, Dałhova zatrymali ŭčora, 19 krasavika, u centry Charkava, paśla hetaha jaho advieźli dadomu, dzie praviali pieratrus. Ŭviečary 19 krasavika Dałhova dastavili ŭ Kijeŭski rajonny sud Charkava dla abrańnia miery strymańnia.
Pavodle papiaredniaj infarmacyi, aktyvista padazrajuć u naŭmysnym źniščeńni abo paškodžańni čužoj majomaści, jakoje paciahnuła straty ŭ bujnych pamierach, ździejśnienaje šlacham padpału.
Sudździa abraŭ Dałhovu mieru strymańnia ŭ vyhladzie ŭtrymańnia pad vartaj terminam na 2 miesiacy. Taksama byli vyznačany zakład u pamiery 600 tys. hryvień (53 tys. dalaraŭ).
Kamientary