Vučonyja Biełarusi i Rasii ŭpieršyniu ŭ SND užyvili hien čałavieka ŭ DNK koz i atrymali transhiennych kaźlaniat
Vučonyja Biełarusi i Rasii ŭpieršyniu ŭ SND užyvili hien čałavieka ŭ DNK koz i atrymali transhiennych kaźlaniat
Navukovy ekśpierymient biełaruskich i rasijskich vučonych pa ŭžyŭleńniu hiena čałavieka ŭ DNK koz uviančaŭsia pośpiecham: upieršyniu ŭ SND atrymany transhiennyja kaźlaniaty. Ab hetym paviedamiŭ u razmovie z karespandentam BIEŁTA navukovy kiraŭnik biełaruskaj častki sumiesnaj biełaruska‑rasijskaj prahramy «BiełRasTranshien», zahadčyk łabaratoryi adnaŭleńnia i hiennaj inžynieryi sielskahaspadarčych žyvioł Navukova‑praktyčnaha centra NAN Biełarusi pa žyviołahadoŭli Alaksandr Budzievič.
Ab atrymańni transhiennych žyvioł biełaruskim vučonym aficyjna paviedamili ich kalehi ź Instytuta bijałohii hiena Rasijskaj akademii navuk. Zaklučeńnie było zroblena na asnovie pieradadzienaj častki tkanki žyvioł, adpraŭlenaj na ekśpiertyzu. Da zaklučeńnia rasijskich ekśpiertaŭ prykładzieny nahladnyja materyjały, što demanstrujuć ubudovu hiena čałavieka ŭ DNK koz.
Takim čynam, zavieršana identyfikacyja najaŭnaści hiennaj kanstrukcyi ŭ žyviołach‑transpłantantach. Paćvierdzić najaŭnaść transhiena možna było tolki ŭ Instytucie bijałohii hiena RAN — tam, dzie i stvaralisia hiennyja kanstrukcyi, adznačyŭ subiasiednik.
Atrymańnie trnshiennych kaźlaniat — heta istotny praryŭ u hiennaj inžynieryi nie tolki dla Biełarusi i Rasii, ale ŭsioj suśvietnaj supolnaści. Hety vynik atrymany ŭpieršyniu za piać hadoŭ praviadzieńnia sumiesnych navukovych ekśpierymientaŭ. Va ŭsim śviecie vučonyja atrymlivajuć i vykarystoŭvajuć łaktafieryn z karovinaha małaka. Adnak mnohija ličać, što jon ustupaje pa lačebnych ułaścivaściach čałaviečamu. Kazinaje ž małako z čałaviečym białkom budzie bolš zdarovaje i zapatrabavanaje.
Subiasiednik raskazaŭ, što 8 kastryčnika hetaha hoda naradziłasia pieršaje transhiennaje kaźlania, 21 kastryčnika — druhoje. Abodva dobra siabie adčuvajuć. Dla zachavańnia hetych unikalnych kaźlaniat i dla taho, kab paźbiehnuć zanosu jakich‑niebudź chvarob abo infiekcyj, na fiermie Bijatechnałahičnaha centra arhanizavany žorstki prapuskny režym.
Transhiennyja kaźlaniaty atrymany ad roznych hiennych kanstrukcyj pa łaktafierynu čałavieka. Za try hady praviedziena bolš jak 100 apieracyj pa pierasadcy embryjonaŭ, atrymana 30 žyvioł‑transpłantantaŭ. Pryčym vučonyja zacikaŭleny ŭ bolšaj kolkaści samcoŭ dla dalejšaha naradžeńnia transhiennych žyvioł. Ekśpierymient dakazaŭ, što raspracavanaja bijatechnałohija daje mahčymaść atrymlivać zdarovy, žyćciazdolny transhienny prypłod.
Pavodle biełaruskich zakonaŭ, atrymany hienna‑madyfikavany arhanizm pavinien być zajaŭleny ŭ Nacyjanalny kaardynacyjny centr pa bijałahičnaj biaśpiecy i ŭtrymlivacca ŭ zakrytaj prastory. Stvorany Bijatechnałahičny NPC NAN Biełarusi pa žyviołahadoŭli ŭjaŭlaje saboj zakrytaje pamiaškańnie z aharodžanaj vakoł jaho terytoryjaj, heta značyć tut vykanany ŭsie normy zakanadaŭstva.
Druhi etap biełaruska‑rasijskaj prahramy «BiełRasTranshien» budzie ŭklučać technałohii vytvorčaści lakarstvaŭ na asnovie małaka ad transhiennych koz. Pry najaŭnaści ŭbudavanaha hiena kazinaje małako pavinna budzie źmiaščać łaktafieryn čałavieka, jaki źjaŭlajecca pryrodnym antybijotykam. Na asnovie małaka transhiennych koz možna vyrablać lakarstvy, niezamiennyja ŭ lačeńni ankałahičnych zachvorvańniaŭ, a taksama zachvorvańniaŭ imunnaj i stravavalnaj sistem, tamu što łaktafieryn maje šyroki śpiektr roznych ułaścivaściej, u tym liku i procipuchlinnym.
Dziakujučy asvajeńniu novych technałohij hiennaj inžynieryi vytvorčaść takich lakarstvaŭ abydziecca krainie ŭ 25‑30 razoŭ tańniej, čym zakupka ich za miažoj. Pradukty z małaka transhiennych koz dapamohuć taksama ŭ štučnym vykormlivańni novanarodžanych dziaciej, tamu što kazinaje małako, jakoje maje łaktafieryn, blizkaje pa sastavu da hrudnoha žanočaha małaka.
Uličvajučy važnaść atrymanaha vyniku, biełaruskija i rasijskija vučonyja nastojvajuć na pradaŭžeńni sumiesnaj prahramy «BiełRasTranshien» da 2012 hoda. Na jaje finansavańnie spatrebicca nie mienš jak 500 młn. rasijskich rubloŭ.
Kamientary