U Rasii aštrafavali rasijanina za pahrozy biełaruskamu siłaviku praz SMS
Padziei źviazanyja z pratestami 2020 hoda.
U Hienprakuratury Biełarusi paviedamili pra zaviaršeńnie spravy ŭ dačynieńni da rasijanina, jaki pahražaŭ vajskoŭcu ŭnutranych vojskaŭ Biełarusi praz SMS. Padziei źviazanyja z pratestami 2020 hoda.
Hienprakuratura RB śćviardžaje, što fihurant, znachodziačysia na terytoryi Smalenskaj vobłaści, adpraŭlaŭ biełaruskamu vajskoŭcu SMS-paviedamleńni «z pahrozaj prymianieńnia hvałtu» za toje, što jon udzielničaŭ u nibyta «spynieńni masavych biesparadkaŭ z boku hrupy radykalna nastrojenych hramadzian u dačynieńni da ŭłady Respubliki».
Asobu i miescaznachodžańnie padazravanaha ŭstanavili rasijskija śledčyja pa prośbie biełaruskaj prakuratury. Ale ekstradycyja hramadzianina Rasii ŭ Biełaruś niemahčymaja.
Tamu Hienieralnaja prakuratura pajšła inšym šlacham. Na padstavie Kanviencyi dziaržaŭ — udzielnic SND ab pravavoj dapamozie pieradała dalejšy kryminalny pieraśled kampietentnym orhanam RF, paviedamili ŭ viedamstvie.
U vyniku rasijanina nakiravali ŭ sud, dzie jaho pryznali vinavatym u pahrozie prymianieńnia hvałtu ŭ dačynieńni da pradstaŭnika ŭłady ŭ suviazi z vykanańniem im svaich słužbovych abaviazkaŭ.
Rasijanin atrymaŭ štraf u 50 tysiač rasijskich rubloŭ — heta prykładna 628 dalaraŭ. Taksama jon musić vypłacić siłaviku 100 tysiač rubloŭ, to bok 1256 dalaraŭ, kampiensacyi maralnaj škody.
Kamientary