24 maja Minabarony Ukrainy zafiksavała sprobu pierasiačeńnia dvuma viertalotami Mi-35 Uzbrojenych Sił Rasijskaj Fiederacyi administracyjna-raźmiežavalnaj linii pamiž Chiersonskaj vobłaściu i časova akupavanaj terytoryi AR Krym.
Pra heta havorycca ŭ paviedamleńni Minabarony Ukrainy.
Pavodle paviedamleńnia, sproba pierasiačeńnia była zafiksavana ŭ 00:55.
«Vajskoŭcy naziralnaha pasta adnoj z vajskovych čaściej Suchaputnych vojskaŭ VSU, jakija vykonvajuć zadačy pa pryznačeńni ŭ rajonie mysa Kutar u Chiersonskaj vobłaści, papieradžalnym ahniom ź zienitnaj ŭstanoŭki prymusili pravakataraŭ ŭziać zvarotny kurs», - adznačyli ŭ Minabarony.
Jak viadoma, raniej u MZS Ukrainy paviedamili, što 24 maja kala 4:00 u rajonie punkta propusku «Dubroŭka» ŭ Danieckaj vobłaści pamiežniki zafiksavali čarhovaje niesankcyjanavanaje pierasiačeńnie miažy z boku Rasii: 5 hruzavych i 2 lehkavych aŭtamabili z uzbrojenymi ludźmi.
«Jość usie padstavy śćviardžać što, jak i papiarednija parušeńni miažy z boku Rasii, hetaja pravakacyja adbyvałasia pry niepasrednym sadziejničańni i papuščalnictvie rasijskich pamiežnikaŭ», — havorycca ŭ paviedamleńni.
U MZS padkreślili, što «arhanizavanaje rasijskimi ŭładami praniknieńnie na terytoryju Ukrainy ŭzbrojenych terarystyčnych farmiravańniaŭ źjaŭlajecca ničym inšym jak čarhovym aktam ahresii suprać našaj dziaržavy, cyničnym hrebavańniem Rasiejaj normami i pryncypami mižnarodnaha prava».
Kamientary