Premija Hiedrojca: pieršy — Babkoŭ, druhi — Klinaŭ, treci — Mudroŭ FOTA, VIDEA
dadajucca fota i videa
U Minsku abviaścili pieramožcaŭ litaraturnaj premii imia Hiedrojca. Hanaravańnie adbyłosia ŭ kanhres-chole hatela «Viktoryja» (pr. Pieramožcaŭ, 59).
Hledačoŭ u zale, dzie miełasia adbyvacca ŭhanaravańnie, sabrałasia nie duža mnoha. Ludzi rassadžvalisia pad akampaniemient hurtu «Port Mane», jaki ihraŭ na scenie.
Pačaŭ imprezu Andrej Chadanovič. Jon pračytaŭ vierš Hienadzia Buraŭkina. Kiraŭnik Biełaruskaha PEN-Centra prapanavaŭ ušanavać sp.Buraŭkina chvilinaj maŭčańnia.
Paśla aktory «Svabodnaha teatra» čytali ŭryŭki z tvoraŭ usich šaści finalistaŭ premii.
Potym usich finalistaŭ zaprasili na scenu i — urešcie — abviaścili pieramožcaŭ.
Uładalnikam pieršaha miesca staŭ Ihar Babkoŭ z ramanam «Chvilinka. Try historyi». Jon atrymaje ček na dziesiać tysiač jeŭra ad «IdeaBanka». Abviaščali pieramožcu pasoł Polščy ŭ Biełarusi Lešak Šarepka, piśmieńnik Alhierd Bacharevič i pradstaŭnica «IdeaBanka».
Druhoje miesca i prava na tvorčuju stypiendyju na vostravie Hotłand žury addało piśmieńniku i mastaku Arturu Klinavu z ramanam «Škłatara». Treciaje — prazaiku z Połacka Vincesiu Mudrovu - za knihu «Bahun». Sp.Mudroŭ atrymaje litaraturnuju stažyroŭku va Urocłavie.
Adrazu paśla cyrymonii ŭručeńnia premii imia Hiedrojca jaje łaŭreat Ihar Babkoŭ raskazaŭ NN pra svaju knihu.
Vyniki hałasavańnia prakamientavaŭ i siabra žury, piśmieńnik Uładzimir Arłoŭ. «Baraćba miž Babkovym, Klinavym i Mudrovym była napružanaj. My da apošniaha nie viedali, jaki budzie vynik», — adznačyŭ jon.
***
Sioleta za hałoŭnuju ŭznaharodu zmahalisia nastupnyja knihi i tvorcy:
Ihar Babkoŭ. Chvilinka: Try historyi. — Minsk: «Łohvinaŭ».
Alena Brava. Daravańnie. Proŝienije. Vergebung. — Minsk: «Źviazda».
Siarhiej Vieraciła. Raźbitaje serca Vitaŭta. — Minsk: «Mastackaja litaratura».
Artur Klinaŭ. Škłatara. — Minsk: «Łohvinaŭ».
Vinceś Mudroŭ. Bahun. — Połack: «Połackaje lada».
Ludmiła Rubleŭskaja. Nočy na Plabanskich młynach. — Minsk: «Mastackaja litaratura».
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina26
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary