Ukraina vymušanaja zmahacca za kožny pierachopnik.
Krainy Jeŭropy apynulisia na miažy svaich mahčymaściaŭ u pastaŭkach rakiet-pierachopnikaŭ dla sistem Patriot. Ukrainie davodzicca zmahacca za kožnuju rakietu dla abarony nieba, piša RBK-Ukraina sa spasyłkaj na Politico.
Hiermanija ŭžo pieradała Ukrainie kompleksy Patriot i rakiety da ich, adnak ciapier Bierlin vymušany ŭličvać ułasnyja abaronnyja patreby i patrabavańni NATA. Jeŭrapiejskija dziaržavy apynulisia pierad vybaram: pieradavać abmiežavanyja resursy Ukrainie abo pakidać ich dla ŭłasnaj abarony.
«My sapraŭdy dasiahajem tut miažy našych mahčymaściaŭ. My taksama pavinny zabiaśpiečvać ułasnuju abaronu», — zajaviŭ bryhadny hienierał Jurhien Šrodl, vysokapastaŭleny pradstaŭnik Ministerstva abarony Hiermanii, paśla samitu NATA ŭ Ankary.
Pavodle źviestak vydańnia, Bierlin i stalicy Paŭnočnaj Jeŭropy zaklikajuć acanić mahčymaść dadatkovaj dapamohi ad partnioraŭ, jakija majuć zapasy. Heta ŭzmacniaje cisk na Polšču, Ispaniju i Hrecyju. Najbolšy deficyt nazirajecca siarod rakiet PAC-3 i PAC-2.
Krainy, raźmieščanyja bližej da miežaŭ RF, usio mienš hatovyja addavać svaje sistemy SPA, tamu ŭvaha sajuźnikaŭ pieramiaščajecca da dziaržaŭ Paŭdniovaj Jeŭropy.
Hałoŭnym vytvorcam pierachopnikaŭ PAC-3 zastajucca ZŠA. Padčas sustrečy prezidenta Ukrainy Uładzimira Zialenskaha z prezidentam ZŠA Donaldam Trampam u minułym miesiacy mienavita rakiety dla Patriot byli klučavoj temaj pieramoŭ.
Spačatku Tramp dapuskaŭ mahčymaść vytvorčaści pierachopnikaŭ va Ukrainie pa licenzii, adnak paźniej zajaviŭ, što «niebiaśpiečna pieradavać Kijevu takuju technałohiju».
Na fonie paviedamleńniaŭ pra vyčarpańnie amierykanskich arsienałaŭ praz vajnu ź Iranam kiraŭnik Biełaha doma padkreśliŭ, što ZŠA «taksama majuć patrebu ŭ rakietach» i spačatku pavinny adnavić ułasnyja zapasy.
Ukraina taksama zaklučyła pahadnieńnie na atrymańnie pierachopnikaŭ PAC-2 niamieckaj vytvorčaści, ale ich pastaŭki čakajucca nie raniej za nastupny hod.
Składanaść situacyi paćviardžajuć i va ŭkrainskim dypłamatyčnym viedamstvie. V.a. ministra zamiežnych spraŭ Andrej Sibiha adznačyŭ, što Ukrainie stanovicca ŭsio ciažej kuplać, abmieńvać abo atrymlivać dastupnyja bojeprypasy dla SPA.
Jon padkreśliŭ, što dziaržava faktyčna «zmahajecca za kožny ź ich».
Kamientary