«Pryjšoŭ na zaniatki z kuchonnym nažom». Zavieršana rasśledavańnie zabojstva 17‑hadovaha navučenca kaledža ŭ Homieli
Zdareńnie adbyłosia 25 sakavika.
Da trahiedyi pryvioŭ kanflikt pamiž dvuma 17‑hadovymi navučencami Homielskaha dziaržaŭnaha darožna-budaŭničaha kaledža, jaki adbyŭsia ŭ pamiaškańni majsterni vučebnaha palihona.
Adzin z chłopcaŭ, bjučysia z adnahrupnikam, nanios jamu nažavyja ranieńni, ad jakich toj paźniej pamior u balnicy. Rasśledavańnie asabliva ciažkaha złačynstva pravodziła śledčaja hrupa.
Pavodle vysnoŭ śledstva, ździajśnieńniu złačynstva papiaredničaŭ praciahły kanflikt. U toj dzień chłopiec pryjšoŭ na zaniatki z kuchonnym nažom. Padčas napadu jon metanakiravana rabiŭ udary nažom u žyćciova važnyja orhany. Pry hetym u toj momant abvinavačany nie mieŭ jakoha-niebudź psichičnaha razładu, nie znachodziŭsia ŭ stanie afiektu i moh u poŭnaj miery ŭśviedamlać značeńnie svaich dziejańniaŭ i kiravać imi, dadali ŭ SK.
Śledstva kvalifikavała dziejańni fihuranta pavodle č. 1 art. 139 Kryminalnaha kodeksa (naŭmysnaje supraćpraŭnaje pazbaŭleńnie žyćcia inšaha čałavieka). Termin pakarańnia pa hetym artykule ad 6 pa 15 hadoŭ.
Kamientary