Źmianiajecca ruch transpartu ŭ Minsku 7, 8 i 9 červienia

U Minsku ŭ suviazi z asfaltavańniem vulicy Šyškina i zakryćciom ruchu ŭsich vidaŭ transpartu na čas praviadzieńnia rabot z 20.00 7 červienia da 1.00 8 červienia źmianiajecca ruch aŭtobusaŭ, paviedamili ŭ DP «Staličny transpart i suviaź».

Ruch aŭtobusaŭ maršrutaŭ numaroŭ 59, 79 z boku Čyžoŭki arhanizujecca pa vulicy Kabuškina, Partyzanskim praśpiekcie z vykanańniem usich pramiežkavych prypynačnych punktaŭ na źmienienym učastku. U zvarotnym napramku ruch hetych maršrutaŭ arhanizujecca z vykanańniem usich pramiežkavych prypynačnych punktaŭ na źmienienym učastku: numar 59 - pa Partyzanskim praśpiekcie, vulicy Kulašova, 1-m Junackim zavułku, vulicy Krupskaj; numar 79 - pa Partyzanskim praśpiekcie, vulicach Žyłunoviča, Tuchačeŭskaha, Hrekava, Vaśniacova, Kulašova, 1-m Junackim zavułku, vulicy Krupskaj.

U Minsku 8 červienia budzie časova prypyniena ruch aŭtobusaŭ haradskich maršrutaŭ u pramzonie Šabany.

U suviazi z praviadzieńniem (prykładna z 11 da 12 hadzin) pamiatnych mierapryjemstvaŭ pablizu pachavańnia achviar łahiera «Traścianiec» na vuł. Sialickaha ŭ rajonie pierasiačeńnia z vuł. Šabany mahčyma abmiežavańnie ruchu ŭsich vidaŭ transpartu. U suviazi z hetym budzie prypyniena ruch aŭtobusaŭ maršrutaŭ № 61 u pramzonie Šabany, № № 61,93,148 S pa vuł. Rotmistrava, Šabany, Sialickaha.

Ruch aŭtobusaŭ budzie arhanizavany nastupnym čynam: № 93 — na ŭčastku ad DS Šabany da prasp. Partyzanskaha pa vuł. Bačyły, Sialickaha ŭ abodvuch napramkach; № № 61, 148S — da DS Šabany pa prasp. Partyzanskim, vuł. Rotmistrava, u zvarotnym napramku — pa vuł. Bačyłya, Sialickaha, prasp. Partyzanskim i dalej pa maršrutach.

Ruch pa praśpiekcie Mašerava ŭ Minsku 9 červienia budzie abmiežavany, paviedamili ŭ UDAI HUUS Minharvykankama.

«Z 21.45 da 24.00 budzie abmiežavany ruch transpartnych srodkaŭ u abodvuch napramkach (u tym liku i naziemnaha hramadskaha transpartu) na ŭčastku praśpiekta Mašerava ad vulicy Daŭmana da praśpiekta Pieramožcaŭ», — rastłumačyli ŭ DAI.

Abmiežavańni ŭvodziacca ŭ suviazi z repietycyjaj zvodnaj roty hanarovaj varty pierad uračystym paradam da Dnia Niezaležnaści.

Anałahičnyja abmiežavańni ruchu transpartu buduć taksama 11,13,16,18, 21 i 23 červienia. Staličnaja Dziaržaŭtainśpiekcyja rekamienduje vadzicielam i pasažyram hramadskaha transpartu ŭličvać hetu infarmacyju pry vybary maršrutu ruchu.

• 0
• 0
• 0
• 0
• 0
• 0
• 0
• 0