У Мінску ў сувязі з асфальтаваннем вуліцы Шышкіна і закрыццём руху ўсіх відаў транспарту на час правядзення работ з 20.00 7 чэрвеня да 1.00 8 чэрвеня змяняецца рух аўтобусаў, паведамілі ў ДП «Сталічны транспарт і сувязь».
Рух аўтобусаў маршрутаў нумароў 59, 79 з боку Чыжоўкі арганізуецца па вуліцы Кабушкіна, Партызанскім праспекце з выкананнем усіх прамежкавых прыпыначных пунктаў на змененым участку. У зваротным напрамку рух гэтых маршрутаў арганізуецца з выкананнем усіх прамежкавых прыпыначных пунктаў на змененым участку: нумар 59 - па Партызанскім праспекце, вуліцы Куляшова, 1-м Юнацкім завулку, вуліцы Крупскай; нумар 79 - па Партызанскім праспекце, вуліцах Жылуновіча, Тухачэўскага, Грэкава, Васняцова, Куляшова, 1-м Юнацкім завулку, вуліцы Крупскай.
У Мінску 8 чэрвеня будзе часова прыпынена рух аўтобусаў гарадскіх маршрутаў у прамзоне Шабаны.
У сувязі з правядзеннем (прыкладна з 11 да 12 гадзін) памятных мерапрыемстваў паблізу пахавання ахвяр лагера «Трасцянец» на вул. Сяліцкага ў раёне перасячэння з вул. Шабаны магчыма абмежаванне руху ўсіх відаў транспарту. У сувязі з гэтым будзе прыпынена рух аўтобусаў маршрутаў № 61 у прамзоне Шабаны, № № 61,93,148 С па вул. Ротмістрава, Шабаны, Сяліцкага.
Рух аўтобусаў будзе арганізаваны наступным чынам: № 93 — на ўчастку ад ДС Шабаны да прасп. Партызанскага па вул. Бачылы, Сяліцкага ў абодвух напрамках; № № 61, 148С — да ДС Шабаны па прасп. Партызанскім, вул. Ротмістрава, у зваротным напрамку — па вул. Бачылыа, Сяліцкага, прасп. Партызанскім і далей па маршрутах.
Рух па праспекце Машэрава ў Мінску 9 чэрвеня будзе абмежаваны, паведамілі ў УДАІ ГУУС Мінгарвыканкама.
«З 21.45 да 24.00 будзе абмежаваны рух транспартных сродкаў у абодвух напрамках (у тым ліку і наземнага грамадскага транспарту) на ўчастку праспекта Машэрава ад вуліцы Даўмана да праспекта Пераможцаў», — растлумачылі ў ДАІ.
Абмежаванні ўводзяцца ў сувязі з рэпетыцыяй зводнай роты ганаровай варты перад урачыстым парадам да Дня Незалежнасці.
Аналагічныя абмежаванні руху транспарту будуць таксама 11,13,16,18, 21 і 23 чэрвеня. Сталічная Дзяржаўтаінспекцыя рэкамендуе вадзіцелям і пасажырам грамадскага транспарту ўлічваць гэту інфармацыю пры выбары маршруту руху.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы68
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары