U Daniecku abstralali mašynu, u jakoj znachodziŭsia lidar samaabvieščanaj terarystyčnaj arhanizacyi «Danieckaja narodnaja respublika» Dzianis Pušylin, u vyniku pierastrełki zastreleny jaho pamočnik Maksim Piatruchin.
Pra heta paviedamlaje miascovaje vydańnie «Municypalnaja hazieta».
Pa dadzienych ŚMI, pierastrełka adbyłasia kala restarana «Milenium» na bulvary Puškina, niedaloka ad budynka Danieckaj ADA.
«Pa słovach vidavočcaŭ, Pušylin z pamočnikam znachodzilisia ŭ aŭtamabili kala restarana, kali z mašyny, što prajazdžała pobač, pa ich było zroblena bolš za dziesiać strełaŭ», — adznačaje vydańnie.
«U vyniku pierastrełki zahinuŭ adzin čałaviek — pamočnik staršyni Viarchoŭnaha Savieta Danieckaj narodnaj respubliki Dzianisa Pušiylina. Zabitaha kličuć Maksim Piatruchin, jon deputat harsavieta», — piša hazieta.
Pa dadzienych vydańnia «Naviny Danbasa», jakoje spasyłajecca na vidavočcaŭ, pierastrełcy papiaredničaŭ kanflikt pamiž hrupami terarystaŭ.
Piatruchin — uradženiec Makiejeŭki, 1986 hoda naradžeńnia — byŭ pamočnikam Pušylina pa humanitarnych pytańniach.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?3
Kamientary