Fota- i videafiksacyja parušeńniaŭ prypynku i stajanki transpartu budzie ažyćciaŭlacca praź piać chvilin paśla spynieńnia aŭtamabila.
Pra heta paviedamiŭ načalnik upraŭleńnia Dziaržaŭtainśpiekcyi MUS Biełarusi Juryj Litvin, adkazvajučy 24 červienia na pytańni žurnalistaŭ u Pałacie pradstaŭnikoŭ.
«Budzie akreślena prykładnaja zona, skažam tak, «čyrvonaja zona», u jakoj nielha budzie parkavać mašynu. Jak tolki aŭtamabil u jaje zajechaŭ, kamiera spracuje», — skazaŭ jon. Pry hetym Litvin rastłumačyŭ, što budzie davacca piać chvilin z raźlikam na toje, što vadziciel spyniŭsia vysadzić pasažyraŭ, jak heta byvaje, naprykład, kala čyhunačnaha vakzała ŭ Minsku.
Pavodle słoŭ Litvina, prybory, jakija ŭstanoviać paśla ŭvachodžańnia ŭ siłu adpaviednych papravak u zakanadaŭstva ab biaśpiecy darožnaha ruchu, buduć aŭtamatyčna vyznačać uładalnika mašyny. Jon taksama paviedamiŭ, što pamiž MUS Biełarusi i Rasii užo jość damoŭlenaści pa akazańni dapamohi pry ŭstanaŭleńni asoby vadziciela ŭ vypadku, kali parušeńnie było ŭčyniena aŭtamabilem z rasijskimi numarami. «Pakul hetyja damoŭlenaści nie realizujucca», — udakładniŭ Litvin.
Jon taksama paviedamiŭ, što DAI Biełarusi płanuje «brać prykład z Rasii», dzie viadziecca 100-pracentnaja fota- i videafiksacyja ŭsich parušeńniaŭ, u tym liku razmovy pa sotavym telefonie za rulom i ihnaravańnia ramianioŭ biaśpieki. Pavodle słoŭ Litvina, na hety momant techničnyja srodki, jakija jość u biełaruskaj Dziaržaŭtainśpiekcyi, nie dazvalajuć aŭtamatyčna fiksavać takija parušeńni.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?3
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary