Minskaje mietro poŭnaściu asnaściać abstalavańniem dla invalidaŭ pry ŭmovie jaho zapatrabavanaści
Minski mietrapaliten budzie poŭnaściu asnaščany abstalavańniem dla invalidaŭ, kali ŭžo isnujučyja ŭstrojstvy buduć zapatrabavanymi. Ab hetym paviedamiŭ pres-sakratar staličnaha mietrapalitena Andrej Kuźmin.
«U minskim mietro jość stancyi, jakija abstalavany liftami abo płoskasnymi padjomnikami. Na inšych stancyjach pa roznych pryčynach usio heta adsutničała, tamu było pryniata rašeńnie ŭstanavić padjomniki husieničnaha typu ŭ hetych miescach. Kali ŭstrojstvy buduć zapatrabavanymi, my asnaścim imi ŭsie stancyi», — skazaŭ pres-sakratar.
Jon taksama paviedamiŭ, što siońnia staršynia Minskaj haradskoj arhanizacyi HA «Biełaruskaje tavarystva invalidaŭ» (BiełTI) Ludmiła Kałmykova adobryła novyja mabilnyja ŭstrojstvy dla transparciroŭki kalasačnikaŭ na stancyjach minskaha mietro. U supravadžeńni śpiecyjalistaŭ upraŭleńnia sacyjalnaj padtrymki nasielnictva kamiteta pa pracy i sacabaronie Minharvykankama jana vyvučyła biezbarjernaje asiarodździe na stancyjach «Aŭtazavodskaja» i «Partyzanskaja». Pradstaŭniku BiełTI prademanstravali mahčymaści leśvičnych padjomnikaŭ husieničnaha typu italjanskaj firmy Sherpa.
Ustrojstvy raspracavany dla akazańnia dapamohi ludziam z abmiežavanymi ruchalnymi zdolnaściami dla padjomu i spusku na leśvičnych maršach u budynkach i pamiaškańniach, nie abstalavanych prystasavańniami dla pieraadoleńnia pieraškod, u prysutnaści supravadžalnaj asoby. Pracujuć padjomniki za košt enierhii akumulatara.
«Kab spuścicca ŭ mietro z dapamohaj Sherpa, kalasačniku nieabchodna źviazacca z dyśpietčaram stancyi pa telefonie, paznačanym kala ŭvachoda na stancyju. Supracoŭnik mietrapalitena dastavić čałavieka na płatformu», — rastłumačyŭ Andrej Kuźmin. Novyja mabilnyja ŭstrojstvy Minski mietrapaliten zakupiŭ u krasaviku biahučaha hoda pa prahramie stvareńnia biezbarjernaha asiarodździa dla asob z abmiežavanymi mahčymaściami. Abstalavańnie źjaviłasia na stancych «Partyzanskaja», «Aŭtazavodskaja», «Hrušaŭka», «Michałova» i «Piatroŭščyna».
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»34
Kamientary