Uładalniki sabak pavodziać siabie tak, niby jany maładziejšyja za svoj uzrost na 10 hadoŭ, kaža statystyka.
Jak piša The Daily Mail sa spasyłkaj na daśledavańnie Univiersiteta Sent-Endrus, sprava tut zusim nie ŭ praciahłych špacyrach z hadavancami. Na samaj spravie, navat prosta najaŭnaść sabaki ŭ domie ŭžo spryjalna adbivajecca na ahulnym zdaroŭi čałavieka.
U pryvatnaści, jak pakazali vyniki daśledavańnia, sabaka — harantyja taho, što jaho haspadar budzie aktyŭnym. Aktyŭnaść ža, asabliva ŭ stałym uzroście, spryjaje praduchileńniu raźvićcia roznych zachvorvańniaŭ kostak i myšcaŭ. Bolš za toje, najaŭnaść takoha ŭlubionca ŭ domie akazvaje stanoŭčy ŭpłyŭ i na psichičny stan čałavieka. Tak, pavodle statystyki, u sabakaroŭ amal zaŭsiody mienš ryzyka raźvićcia depresii.
Daśledčyki nazirali za 547 pažyłymi ludźmi va ŭzroście starejšyja za 65 hadoŭ. Jany pražyvali prykładna ŭ 100 km adzin ad adnaho. Im usim razdali aksieleromietry, jakija paddoślednyja nasili ceły tydzień. Prybor adsočvaŭ ich pieramiaščeńnie. Pry hetym 9% udzielnikaŭ daśledavańnia byli ŭładalnikami sabak. I mienavita ŭ hetych 9% byli zafiksavanyja źnižanyja pakazčyki depresii i tryvožnaści. A pavyšanaja była aktyŭnaść.
Heta dazvoliła śpiecyjalistam vyjavić, što najaŭnaść u domie sabaki adnaznačna było matyvacyjaj da pavyšeńnia ruchomaści čałavieka. Sabaka zaŭsiody dapamahaŭ svaim haspadaram pieraadolvać mnohija faktary, jakija raniej nie dazvalali pažyłym ludziam vychodzić z damoŭ.
Da takich faktaraŭ ekśpierty adnieśli drennaje nadvorje, adsutnaść sacpadtrymki, a taksama pieražyvańni z nahody svajoj biaśpieki.
Akramia taho, u čas prahułak z sabakami pažyłyja ludzi zavodziać znajomstva ź inšymi amatarami hetych chatnich žyvioł. A heta, u svaju čarhu, — dadatkovaja nahoda vyjści na dvor.
Kamientary