Likvidacyja hramatnaści: Minadukacyi źniziła minimalny bał CT dla vajskovych VNU da 3 sa 100

U Biełarusi pačynajecca dadatkovy nabor u VNU na šerah deficytnych śpiecyjalnaściaŭ, dzie paśla asnoŭnaha naboru zastalisia svabodnyja biudžetnyja miescy. 

Jak paviedamlaje pres-słužba Ministerstva adukacyi, na vajennyja śpiecyjalnaści dakumienty buduć prymacca z 21 pa 25 lipienia, śfiery kultury — 27—28 lipienia, na ŭsie astatnija — z 23 pa 28 lipienia. 

Dadatkovy nabor pravodzicca tolki na dzionnuju biudžetnuju formu navučańnia dla nastupnych śpiecyjalnaściaŭ: «pačatkovaja adukacyja», «matematyka i infarmatyka», «fizika i infarmatyka», «prafiesijnaje navučańnie», «matematyka (navukova-piedahahičnaja dziejnaść)», «fizika (navukova-piedahahičnaja dziejnaść)», «prykładnaja matematyka (navukova-piedahahičnaja dziejnaść)», «pryrodaachoŭnaja dziejnaść (ekałahičny manitorynh)», «abstalavańnie», «transpart», «mietałurhija», «enierhietyka», «lasnaja pramysłovaść», «chimičnaja pramysłovaść», «charčovaja pramysłovaść, «lohkaja pramysłovaść», «aŭtamatyzacyja», «ziemleŭparadkavańnie, hieadezija, kartahrafija i tapahrafija», «achova navakolnaha asiarodździa», «budaŭnictva», «lasnaja haspadarka i sadova-parkavaje budaŭnictva», «zabieśpiačeńnie jakaści» i «mastactva muzyčnaje». 

Pry hetym dla praviadzieńnia dadatkovaha naboru źnižany parohavyja značeńni centralizavanaha testavańnia, nieabchodnyja dla padačy dakumientaŭ u VNU. Na vakantnyja miescy mohuć pretendavać abituryjenty, jakija nabrali ad 5 bałaŭ (uklučna) pa ruskaj i biełaruskaj movach; ad 10 bałaŭ (uklučna) — pa matematycy, fizicy, chimii i bijałohii; ad 15 bałaŭ (uklučna) — pa historyi Biełarusi, suśvietnaj historyi najnoŭšaha času, hramadaznaŭstvie, hieahrafii, zamiežnych movach (anhlijskaja, niamieckaja, francuzskaja, ispanskaja). 

Jašče bolš istotna źnižany parohavyja značeńni dla dadatkovaha naboru ŭ VNU, jakija znachodziacca ŭ padparadkavańni Ministerstva abarony i Dziaržaŭnaha pahraničnaha kamiteta, a taksama na vajennyja fakultety, na śpiecyjalnaści kirunku «Fizičnaja kultura i sport» i hrupy śpiecyjalnaściaŭ «Vytvorčaść, zachoŭvańnie i pierapracoŭka pradukcyi raślinavodstva», «Žyviołahadoŭla. Rybavodstva. Pčałavodstva», «Sielskaja haspadarka i dobraŭparadkavańnie terytoryj», «Mielijaracyja i vodnaja haspadarka», «Ahrainžynieryja». Na hetych kirunkach niezdavalniajučymi dla pastupleńnia pryznanyja adznaki ad 0 da 2 bałaŭ (uklučna) pa ŭsich navučalnych dyscyplinach. 

Nahadajem, dla padačy dakumientaŭ u VNU ŭ miežach asnoŭnaha naboru nieabchodna było nabrać nie mienš jak 10 bałaŭ pa ruskaj ci biełaruskaj movach, 15 — pa matematycy, fizicy, chimii, bijałohii, 20 — historyi Biełarusi, suśvietnaj historyi najnoŭšaha času, hramadaznaŭstvie, hieahrafii i zamiežnych movach.

• 0
• 0
• 0
• 0
• 0
• 0
• 0
• 0