U ZŠA bolš za 900 dziaciej z štata Kałarada i 475 dziaciej z štata Misury prachodziać miedycynski ahlad z padazreńniem na zaražeńnie redkim enteravirusam EV-D68. Zhodna ź simptomami virus padobny na mocnuju prastudu pry ŭskładnienym dychańni, pieradaje CNN.
«Kolkaść ciažkachvorych dziaciej, jakija majuć patrebu ŭ intensiŭnaj dapamozie, uražvaje.
Ja nazvała b jaje biesprecedentnaj. Ja 30 hadoŭ pracuju dziciačym doktaram, i ja nikoli nie bačyła ničoha padobnaha», — raspaviała doktar Mary Anna Džeksan, jakaja pracuje ŭ dziciačaj balnicy Kanzas-Sici. Pavodle jaje słoŭ, z pačatku novaha navučalnaha hoda adznačajecca pastajanny rost kolkaści chvorych.
U centry pa kantroli i prafiłaktycy zachvorvańniaŭ zajavili, što vialikaja kolkaść dziaciej, špitalizavanych z padazreńniem na EV-D68, moža być tolki «vierchavinaj ajśbierha», i daktary nie mohuć rastłumačyć, što adbyvajecca.
U centr pa dapamohu ŭ vyznačeńni najaŭnaści enteravirusu na svajoj terytoryi ŭžo źviarnulisia dziesiać štataŭ Siaredniaha Zachadu ZŠA, siarod jakich Kałarada, Ilinojs i Ahajo.
Enteravirus EV-D68 ŭpieršyniu vyjavili ŭ 1960-ch hadach, i z taho času daktary zafiksavali mienš za sto vypadkaŭ zaražeńnia.
Adnak isnuje viersija, što pryčynaj takoha małoj kolkaści zaražeńniaŭ EV-D68 na samaj spravie źjaŭlajecca ciažkaść u raspaznańni hetaha enteravirusa.
Kamientary