U kosmas, niadoraha! SpaceX pasprabavała zrabić rakietu šmatrazovaj
Zapusk «kaśmičnaha hruzavika» Dragon pryvatnaj amierykanskaj kampanii SpaceX 10 studzienia uvojdzie ŭ historyju. Adnu sa stupieniaŭ rakiety Falcon 9 amal udała spuścili na marskuju płatformu zamiest zatapleńnia ŭ mory.
U 12:50 pa minskim časie 10 studzienia paśpiachova adbyŭsia zapusk rakiety Falcon 9 z kaśmičnym karablom Dragon, jaki maje dastavić na MKS 2,5 tony hruzu. Pavodle kantrakta z NASA SpaceX užo adasłaŭ na MKS 4 takich karabli z 12-ci zapłanavanych.
Dragon zdolny viartacca na ziamlu i vykarystoŭvacca niekalki razoŭ. Ale SpaceX — kampanija «sapraŭdnaha Toni Starka» Ełana Maska — pajšła dalej, pasprabavaŭšy zrabić šmatrazovymi i stupieni rakiety, što raniej prosta tanuli ŭ mory.
Stupień Falcon 9 paśla adździaleńnia musiła spuścicca na parašucie i zrabić miakkuju pasadku na admysłovuju marskuju płatformu. Ale toje, što Ełan Mask nazvaŭ «zrabić siharu», nie atrymałasia daskanała. Rakieta vykanała svaju asnoŭnuju metu i paśpiachova viarnułasia, ale pryziamliłasia žorstka. Z karablom usio dobra, ale niekatoraje abstalavańnie pryjdziecca ramantavać.
Ełan Mask nazvaŭ heta dobrym vynikam. Upieršyniu ŭ historyi stupień rakiety pasprabavali miakka pasadzić na ćviorduju pavierchniu — i atrymali karysny dośvied, jaki ŭ budučyni pryviadzie da daskanałaj pasadki. Heta tolki adzin krok na doŭhim šlachu SpaceX da tannych kaśmičnych palotaŭ.
Ciapier čytajuć
Vaziŭ nataŭcaŭ u Afhanistan i skidvaŭ humanitarku ŭ Sudanie, a potym trapiŭ u turmu pa danosie siabra z Ukrainy1
Kamientary