Maładyja łuhančanki raspaviali pra ŭkrainskaje padpolle ŭ zachoplenym horadzie
Maryja i Anastasija, byłyja aktyvistki łuhanskaha Jeŭramajdanu, raspaviali žurnalistam hromadske.tv pra zmahańnie za Ukrainu va ŭmovach akupacyi ŭ svaim rodnym horadzie.
Amal adrazu, pa ichnym słovam, Jeŭramajdan u Łuhansku staŭ nie akcyjaj za toj ci inšy źniešniepalityčny vybar krainy, a za zachavańnie ŭkrainskaści ŭ horadzie.
«Łuhanskija milicyjaniery chadzili z «hieorhijeŭskimi» stužkami i, chutčej, abaraniali ŭzbrojenych apałčencaŭ, čym biezabaronnych ludziej z ukrainskimi ściahami», — kažuć rasijskamoŭnyja dziaŭčyny, apranutyja ŭ kamuflažnuju formu.
Zaraz jany pajšli dobraachvotnicami va ŭkrainski bataljon «Łuhansk-1».
A viasnoj i napačatku leta jany pačali supraciŭ va ŭmovach padpolla — malavali načami ŭkrainskuju simvoliku na murach, pisali łozunhi, vyviešvali dziaržaŭnyja ściahi na budynkach, raspaŭsiudžvali ŭlotki.
U adzin ź dzion jany paviesili vialiki žoŭta-błakitny ściah na šmatpaviarchoŭnym budynku pobač sa štabam bajevikoŭ, raźmieščanym u byłym pamiaškańni łuhanskaj SBU.
«My vieryli, što ludziam heta patrebna, i što ŭ kahości heta znojdzie adhałosak. Bo viedać, što ty nie adzin, ubačyć heta vizualna, a nie prosta pierahladvacca heta vialikaja padtrymka», — kaža Maryja.
Važna, kab i astatniaja Ukraina viedała, što ŭkraincy Łuhanska jość i zmahajucca, dadajuć dziaŭčyny. Nasielnictva ŭ cełym zajmaje tuju pazicyju, što i raniej — padtrymlivajuć tych, chto płacić i zabiaśpiečvaje ŭmovy dla žyćcia, bieź iluzij raspaviadajuć jany.
Kali ŭkrainskaja armija vierniecca ŭ Łuhansk, vajna za śviadomaść ludziej tolki pačniecca, ličać miascovyja dobraachvotnicy.
Ciapier čytajuć
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary