Biełaruskija chakieisty znoŭ vyznačylisia na ladovych placoŭkach Paŭnočnaj Ameryki.
«Manreal Kanadyjens», za jaki vystupajuć braty Andrej i Siarhiej Kaścicyny, na svajoj arenie ŭ avertajmie złamaŭ supraciŭ «Čykaha» — 4:3. Siarhiej Kaścicyn asystavaŭ finu Saku Kojvu, kali toj zakinuŭ pieršuju šajbu ŭ matčy.
Ciapier na rachunku Siarhieja 6 bałaŭ pa systemie hoł+pas (2+4), u jahonaha brata Andreja — 23 (11+22).
A voś «Fłaryda», za jakuju vystupaje Rusłan Salej, prajhrała ŭ haściach «Pitsburhu» — 1:3. Na rachunku biełarusa adzin asystenski pas. Usiaho ŭ Saleja 15 bałaŭ pa systemie hoł+pas (3+12)
***
Va Ŭschodniaj kanferencyi 24-ch razovy ŭładalnik Kubku Stenli «Manreal» idzie na trecim miescy, majučy razam z «Pitsburh Pinhvinz» paśla 42 hulniaŭ pa 50 punktaŭ. Napieradzie - «Atava Senatarz» (58 punktaŭ), «Ńju‑Džerzi Deviłz» — 51 punkt. «Karalina Charykiejnz» maje 48 punktaŭ, ale zajmaje treciaje miesca, pakolki źjaŭlajecca lideram Paŭdniova‑Atlantyčnaha dyvizijonu.
«Fłaryda» zajmaje va Ŭschodniaj kanferencyi 12‑ie miesca i nabrała 41 punkt, ad vośmaha miesca, što daje pucioŭku ŭ Kubak Stenli, jaje adździalaje 4 bały. Praŭda da kanca rehularnaha čempijanatu kamandam treba zhulać pa sorak matčaŭ.
U vočnym pajadynku «Manreal» i «Fłaryda» syjducca 13 lutaha.
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary